మధ్యప్రదేశ్ బై పోల్స్, ఆధిక్యంలో బీజేపీ, రెండో స్థానంలో కాంగ్రెస్

మధ్యప్రదేశ్ లో 28 అసెంబ్లీ నియోజకవర్గాలకు జరిగిన ఉపఎన్నికల్లో బీజేపీ 18 స్థానాల్లో, కాంగ్రెస్ 9 సీట్లలో ఆధిక్యంలో కొనసాగుతున్నాయి. ఈ రాష్ట్రంలో ఈ బై పోల్స్ ముఖ్యంగా బీజేపీ నేత జ్యోతిరాదిత్య సింధియాకు అగ్నిపరీక్షే !  గత మార్చిలో 22 మంది ఎమ్మెల్యేలతో ఆయన కాంగ్రెస్ పార్టీని వీడి బీజేపీలో చేరారు. దీంతో కాంగ్రెస్ నేత, అప్పటి సీఎం కమల్ నాథ్ ప్రభుత్వం కుప్పకూలింది. ఫలితాలు వెల్లడవుతుండగా కమల్ నాథ్ ఈ ఉదయం భోపాల్ లో హనుమాన్ ఆలయానికి వెళ్లి పూజలు చేశారు.

ఇక బీహార్ లో వాల్మీకి నగర్ లోక్ సభ నియోజకవర్గానికి జరిగిన  ఎన్నిక ఓట్ల లెక్కింపు కొనసాగుతోంది. గుజరాత్ లో 8 సీట్లకు గాను బీజేపీ 7, కాంగ్రెస్ పార్టీ ఒకచోట లీడ్ లో ఉన్నాయి. కర్నాటకలో బైపోల్స్ జరిగిన 2 చోట్ల బీజేపీ ముందంజలో ఉండగా .. మణిపూర్ లో 5 సీట్లకు గాను ఒకచోట కూడా  బీజేపీ ఆధిక్యంలో ఉంది. ఒడిశాలో రెండు సీట్లకు గాను బీజేడీ, ఇతరులు ఆధిక్యంలో ఉన్నారు. ఛత్తీస్ గడ్ లో ఒక సీటుకు బై పోల్ జరగగా.. కాంగ్రెస్ పార్టీ ఆధిక్యంలో ఉంది.