మాజీ ప్రియరాలు విస్మరిస్తుందని కాల్పులు జరిపిన యువకుడి అరెస్ట్

మాజీ ప్రియురాలు పట్టించకోవడంలేదని ఓ యువకుడు బరితెగించాడు. ఆమె ఇంటి ముందు కాల్పులకు తెగబడ్డాడు. కుటుంబసభ్యల అప్రమత్తంతో పెను ప్రమాదం తప్పింది. పోలీసుల రంగ ప్రవేశంతో ఆ యువకుడు కటకటాలపాలయ్యాడు. దేశ రాజధాని ఢిల్లీలో ధరంపాల్‌ కాలనీలో జరిగిన ఈ ఘటన ఆలస్యంగా వెలుగులోకి వచ్చింది. డీసీపీ ఆర్‌పీ మీనా తెలిపిన వివరాల ప్రకారం.. సుమిత్‌ తోమర్‌ అనే వ్యక్తి ధరంపాల్ కాలనీకి చెందిన ఓ యువతితో ప్రేమాయాణం సాగించాడు. అయితే, కొద్ది కాలం తర్వాత అతడు మరో అమ్మాయిని వివాహం చేసుకోవడంతో మాజీ ప్రియురాలు సుమిత్‌ను దూరం పెట్టింది. అతడితో ప్రేమ వ్యవహారాన్ని కొనసాగించేందుకు నిరాకరించింది. దీంతో ఆమెపై పగ పెంచుకున్న సుమిత్‌ ఇటీవల ఆమె ఇంటికి వెళ్లి నిలదీయాలనుకున్నాడు. ఇంటి ముందు నిలబడి కేకలు వేస్తూ తన ప్రియురాలిని, ఆమె కుటుంబసభ్యులను బయటకు రావాలని డిమాండ్ చేశాడు. వారిని చంపేస్తానని బెదిరిస్తూ తుపాకీతో గాల్లోకి కాల్పులు జరిపాడు. దీంతో స్థానికులు అప్రమత్తమైన పోలీసులకు సమాచారం ఇవ్వడంతో అక్కడి నుంచి పరారయ్యాడు. దీంతో తీవ్ర భయాందోళనకు గురైన బాధిత కుటుంబసభ్యులు పోలీసులకు ఫిర్యాదు చేశారు. కేసు నమోదు చేసి దర్యాప్తు చేపడుతున్నామని డీసీపీ ఆర్‌పీ మీనా తెలిపారు. నిందితుడు సుమిత్ కోసం ఆలి విహార్ అటవీ ప్రాంతంలో గాలింపు చేపట్టి అరెస్టు చేశామని వెల్లడించారు. అతడి వద్ద నుంచి తుపాకీని స్వాధీనం చేసుకుని.. విచారణ కొనసాగిస్తున్నట్లు వివరించారు.