గ్లామరస్ పాత్రల్లో నటించబోతున్నా: నిహారిక

మెగా వారసురాలు కొణిదెల నిహారిక తాజాగా ఇన్‌స్టాగ్రామ్‌ లైవ్‌లో అభిమానులతో ముచ్చటించింది. ఈ సందర్భంగా ఆమె పెళ్లి తర్వాత కూడా నటించడం గురించి ప్రస్తావించింది. నేను సమంతను కాదు.. పెళ్ళి తర్వాత నటిస్తానా లేదా అనేది ముందుగానే చెప్పలేను అంటూ నిహారిక అభిమానులతో పలు విషయాలు షేర్ చేసుకున్నారు. ప్రస్తుతం నాకు ఎక్కువ సమయం లేదు. ‘వీలైనంత వరకూ ఇప్పటి నుంచి నా వద్దకు వచ్చిన ఆఫర్లను వదిలిపెట్టకుండా నటిస్తానని’ పేర్కొంది. అనంతరం రొమాంటిక్ సినిమాల్లో నటించడం గురించి మాట్లాడుతూ.. గ్లామరస్ పాత్రలు కూడా పోషించబోతున్నా. తమిళ ప్రాజెక్టు రొమాంటిక్ చిత్రంగా రూపుదిద్దుకోబోతుంది. త్వరలోనే గోవాలో ఈ సినిమా షూటింగ్ జరగబోతుంది. ఈ సినిమా కోసం గోవా బీచ్‌లో రొమాంటిక్ సన్నివేశాల్ని చిత్రీకరించబోతున్నామని నిహారిక చెప్పుకొచ్చింది.

కాగా ‘ఒక మనసు’ సినిమాతో హీరోయిన్‌గా పరిచయమైన నిహారిక.. ఆ తర్వాత ‘హ్యాపీ వెడ్డింగ్’, ‘సూర్యకాంతం’ చిత్రాల్లో నటించారు. కానీ ఈ సినిమాలు ఆమెకు ఆశించినంత విజయాన్ని అందించలేదు. 2019లో వచ్చిన సైరా నరసింహా రెడ్డిలో చిన్న పాత్రలో కనిపించిన ఆమె తన కొత్త చిత్రాన్ని ఇప్పటివరకూ ప్రకటించలేదు.

Read More: 

సీఎం కేసీఆర్‌కు ఆర్జీవీ దిమ్మతిరిగే ఛాలెంజ్..

జగన్ ప్రభుత్వం వల్ల రూ.1400 కోట్లు వృథా.. కన్నా సంచలన వ్యాఖ్యలు

పవన్‌తో సినిమా నేను చేయలేను.. జక్కన్న సెన్సేషనల్ కామెంట్స్

ట్రాన్స్‌జెండర్లకు కేంద్రం గుడ్‌న్యూస్.. అన్ని అప్లికేషన్స్‌లోనూ..