అనన్య’కాలీ పీలీ’ని తాకిన ‘డిస్‌లైక్’

డిస్​లైక్స్ గోల ఇప్పుడు అనన్యను తాకింది. మొన్న ఆలియాను వెంటాడిన వారు ఇప్పుడు అనన్యను టార్గెట్ చేశారు. ఈ పాల బుగ్గల చిన్నది బాలీవుడ్ కపుల్ చుంకీ పాండే, భావన పాండేల ముద్దుల కూతురు. తండ్రి నటుడు కాగా, తల్లి కాస్టూమ్ డిజైనర్ కలగలిపితే అనన్య…టాలీవుడ్‌లో విజయ్ దేవరకొండ సరసన ఫైటర్ సినిమాలో నటిస్తోంది అనన్య పాండే.

ఇప్పుడు బాలీవుడ్‌లోకి వారసత్వంగా వస్తున్న నటులను టార్గెట్ చేస్తున్నారు డిస్ లైక్ టీమ్. వారు నటించే సినిమాలపై ఫోకస్ పెడుతున్నారు. సుశాంత్ మృతి తర్వాత ఈ ఉద్యమం నెట్టింటలో జోరుగా సాగుతోంది. నెపొటిజంపై వారు ఆందోళన చేస్తున్నారు.

వారు నటించిన చిత్రాల టీజర్లు, ట్రైలర్లు, సినిమాలపై ఇటీవలి కాలంలో నెటిజన్లు అసంతృప్తి వ్యక్తం చేస్తూనే ఉన్నారు. దానిని డిస్​లైక్స్​ రూపంలో ఆందోళన వ్యక్తం చేస్తున్నారు. మొన్న ఆలియా భట్ ‘సడక్ 2’ ట్రైలర్​కు దాదాపు 10 మిలియన్లకు పైగా డిస్​లైక్స్ కొట్టగా, ఇప్పుడు అనన్య పాండే ‘కాలీ పీలీ’ టీజర్​కు​ అలానే చేస్తున్నారు.

ఈ కథనం రాసే సమాయానికి దాదాపు 3 లక్షల పైచిలుకు డిస్​లైక్స్ కొట్టారు. ‘ఈ సినిమాను బాయ్​కాట్ చేయాలి’, ’11 మిలియన్ల డిస్​లైక్స్ చేద్దాం’ అంటూ కామెంట్లు కూడా పెడుతున్నారు. ఇది పెద్ద ఎత్తున షేర్ అవుతుండటంతో చిత్రం యూనిట్ ఆందోళన చెందుతోంది. డిస్ లైక్‌ల నుంచి బయట పడేందుకు ప్రయత్నాలు మొదులు పెట్టింది.