భర్త కంపెనీ కోసం రంగంలోకి దిగిన కాజల్.. త్వరలోనే బ్రాండింగ్ మొదలు పెట్టనున్న చందమామ

టాలీవుడ్ చందమామ కాజల్ అగర్వాల్ ఇటీవల వివాహం చేసుకున్న విషయం తెలిసిందే. భర్త గౌతమ్ కిచ్లు‌తో కాజల్ హనీమూన్ ఎంజాయ్ చేసి ఇటీవలే తిరిగొచ్చింది. ఈ బ్యూటీ మాల్దీవుల్లో వయ్యారాలుపోతూ దిగిన ఫోటోలు సోషల్ మీడియాలో తెగ వైరల్ అయ్యాయి. ఇక ఈ అమ్మడు ఇప్పడు భర్త గౌతమ్ కంపెనీకి బ్రాండింగ్ చేస్తుందని తెలుస్తుంది. ఈ క్రమంలోనే భర్త కోసం అదిరిపోయే ఎండోర్స్‌మెంట్ చేయడానికి రెడీ అయిపోయింది ఈ బ్యూటీ. దీనికోసం కమర్షియల్ యాడ్స్ కూడా చేయబోతుంది కాజల్.

కాజల్ భర్త గౌతమ్ ప్రముఖ డిజైనింగ్ కంపెనీకి అధినేత. ఈయనకు ముంబైలో బిజినెస్ మ్యాన్‌గా మంచి పేరుంది. ఈ క్రమంలో భార్య కాజల్ ఇమేజ్‌ను కూడా తన కంపెనీ కోసం వాడుకుంటున్నాడు గౌతమ్. ఈ సంస్థ త్వరలోనే కాజల్‌తో బ్రాండ్ పబ్లిసిటీకి సంబంధించిన బ్రోచర్లను కూడా విడుదల చేయబోతుంది. ఈ మేరకు ఆమె ట్విట్టర్ లో కొన్ని వీడియోస్ కూడా షేర్ చేసింది. ఇదిలా ఉంటే త్వరలో మెగాస్టార్ చిరంజీవి-కొరటాల శివ కాంబినేషన్ లో తెరకెక్కుతున్న’ఆచార్య’ సినిమా షూటింగ్ లో ఈ అమ్మడు జాయిన్ అవ్వనుంది.