ఉత్తమ ఉపాధ్యాయురాలిని సత్కరించిన హైదరాబాద్ సీపీ

సమాజంలో ఉపాధ్యాయుల పాత్ర ఎంతో ముఖ్యమైందని హైదరాబాద్‌ సీపీ అంజనీకుమార్‌ అన్నారు.  హైదరాబాద్‌లోని మలక్‌పేటలో నెహ్రూ మెమోరియల్‌ ప్రభుత్వ పాఠశాలకు చెందిన స్కూల్‌ అసిస్టెంట్‌ ఉమ్మాజీ పద్మప్రియ 2020 జాతీయ ఉత్తమ ఉపాధ్యాయ అవార్డుకు ఎంపికైన నేపథ్యంలో సీపీ ఆమెకు అభినందనలు తెలిపి సత్కరించారు. ప్రత్యేకించి వారి ఇంటి వెళ్లిన సీపీ అంజనీకుమార్.. వారితో కాసేపు ముచ్చటించారు. అనంతరం పద్మప్రియను సన్మానించారు.

ఈ సందర్భంగా అంజనీకుమార్‌ మాట్లాడుతూ దేశ భవిష్యత్‌పై ఉపాధ్యాయుల పాత్ర కీలకమైందన్నారు. తెలంగాణ నుంచి ఉత్తమ ఉపాధ్యాయురాలిగా పద్మప్రియ ఎంపికవడం రాష్ట్రానికి గర్వకారణమన్నారు. ఈ కార్యక్రమంలో మలక్‌పేట ఏసీపీ వెంకట రమణ, ఇన్‌స్పెక్టర్‌ కేవీ సుబ్బారావు, ఎస్సై శ్రీనివాస్‌రెడ్డి పాల్గొ్న్నారు.