గూగుల్ పే యూజర్లకు గమనిక.. డబ్బులు పంపిస్తే ఎలాంటి ఛార్జీలు ఉండవు.. వివరణ ఇచ్చిన గూగుల్..

వినియోగదారులకు గూగుల్ ప్లే గుడ్ న్యూస్ అందించింది. తక్షణ నగదు బదిలీకి భారత్‌లోని యూజర్లకు ఎలాంటి ఛార్జీలు ఉండవని స్పష్టం చేసింది.

Ravi Kiran |

Updated on: Nov 25, 2020 | 5:05 PM

Google Pay: వినియోగదారులకు గూగుల్ ప్లే గుడ్ న్యూస్ అందించింది. తక్షణ నగదు బదిలీకి భారత్‌లోని యూజర్లకు ఎలాంటి ఛార్జీలు ఉండవని స్పష్టం చేసింది. కేవలం అమెరికాలోని వినియోగదారులకు మాత్రమే ఇది వర్తిస్తుందని క్లారిటీ ఇచ్చింది. రీ-డిజైన్ చేసిన కొత్త గూగుల్ పే యాప్‌ను 2021లో యూజర్లకు అందుబాటులోకి తీసుకురానున్నట్లు గూగుల్ గతవారం ప్రకటించిన సంగతి తెలిసిందే.

తొలుత అమెరికాలో ఈ ఫీచర్‌ను ప్రయోగాత్మకంగా లాంచ్ చేస్తామని.. దీని ద్వారా వెబ్యాప్ సేవలు నిలిచిపోతాయని వివరించింది. అంతేకాకుండా గూగుల్ పే ద్వారా చేసే చెల్లింపులపై కూడా ఛార్జీలు వసూలు చేస్తామని ఓ ప్రకటనలో తెలిపింది. తాజాగా ఆ ప్రకటనపై గూగుల్ స్పష్టత ఇచ్చింది. భారత్‌లోని యూజర్లు ఎలాంటి ఛార్జీలు చెల్లించాల్సిన అవసరం లేదని వెల్లడించింది. కాగా, ఇండియాలో 6.7 కోట్ల మంది గూగుల్ పే వాడుతున్న సంగతి విదితమే.