గుప్త నిధుల తవ్వకాల్లో బయటపడ్డ బంగారు నాణాలు..

సూర్యాపేట జిల్లా అమరవరం గ్రామంలో అర్థరాత్రి గుప్తనిధుల తవ్వకాలు కలకలం రేపాయి. తవ్వకాల్లో దొరికిన నిధిని ఇంట్లోనే దాచిపెట్టారు. కాగా.. స్థానికుల సమాచారంతో.. పోలీసులు తనిఖీలు చేయగా.. తవ్వకాలు జరిపిన ఆనవాళ్లు బయటపడ్డాయి. అంతేకాదు.. బంగారు నాణాలు కూడా కనిపించాయి. దీంతో.. పోలీసులు వాటిని స్వాధీనం చేసుకున్నారు. కాగా.. నాణాలను పరిశీలించి చూడగా అవి రాగి, ఇత్తడి నాణాలుగా నిర్థారించారు. పోలీసుల వివరాల ప్రకారం.. అమరవరం గ్రామానికి చెందిన గురువారెడ్డి అదే గ్రామానికి చెందిన ఓ వ్యక్తి ఇంట్లో తవ్వకాలు చేశాడు. అయితే.. ఆ తవ్వకాల్లో దొరికిన నిధి ఎక్కడ ఉంది..? అనే దానిపై దర్యాప్తు చేస్తున్నారు పోలీసులు. ప్రస్తుతం.. గురువారెడ్డి, అతనికి సంబంధించిన వ్యక్తులు పరారీలో ఉన్నారు.