Birthday Gift: కేసీఆర్‌కు హరిత కానుక

ఈ నెల 17 న సీఎం కేసీఆర్ పుట్టినరోజును పురస్కరించుకుని టీఆర్ఎస్ కార్యకర్తలు, కేసీఆర్, అభిమానులు వినూత్న రీతిలో శుభాకాంక్షలు తెలిపేందుకు సిద్ధమయ్యారు. భావితరాలకు పచ్చని చెట్లతో ఆరోగ్యాన్ని పంచాలనే గౌరవ ముఖ్యమంత్రి కేసీఆర్ సంకల్పానికి తోడవుతూ ఈ వినూత్న కార్యక్రమానికి శ్రీకారం చుట్టారు.

సీఎం కేసీఆర్ ప్రాతినిధ్యం వహిస్తున్న గజ్వేల్ ఎడ్యుకేషన్ హబ్ వేదికగా ప్రతి ఒక్కరూ మొక్కలు నాటాలని పిలుపునిస్తూ మొక్క చేతిన పట్టి సమూహాoగా ప్రదర్శన చేపట్టారు. తెలంగాణ జాతిపిత , ఉద్యమ’ ప్రగతి రథసారధి, గౌరవ ముఖ్యమంత్రి కేసీఆర్ గారి 66వ పుట్టిన రోజు (17.02.2020) కానుకగా 66వేల చదరపు అడుగుల విస్తీర్ణంలో 2600మంది కార్యకర్తలు , అభిమానులు కలిసి హరిత స్పూర్తి ని చాటనున్నారు.

అందరూ సమూహంగా నిల్చొని తమ అభిమాన నేత ఆకారం (కేసీఆర్ ముఖచిత్రం పోలిక లో ప్రత్యేక ఆకర్షణగా నిలిచేలా కార్యక్రమం చేపడుతున్నారు. చైర్మన్లు బాలమల్లు , ఒంటెరు ప్రతాప్ రెడ్డి, జిల్లా, నియోజకవర్గ ముఖ్య నేతలు, టీఆర్ఎస్ యువజన విభాగం నాయకులు పాటిమీది జగన్మోహన్ రావు పర్యవేక్షణ లో ఈ కార్యక్రమం హైలెట్ గా నిలవనుంది. ఆకుపచ్చని తెలంగాణ, పర్యావరణ హిత రాష్ట్రo కోసం ముఖ్యమంత్రి కేసీఆర్ పరితపిస్తున్నారని, ఆయన స్వప్నాన్ని నిజo చేసేందుకు ప్రతి ఒక్కరూ పునరంకితం కావాలని ఈ సందర్భంగా నేతలు పిలుపునిచ్చారు.