ఏపీ కేబినెట్‌ భేటీ ఈ నెల 14కి వాయిదా..?

ఆంధ్రపదేశ్‌ మంత్రివర్గ సమావేశం ఈ నెల 14న జరిగే అవకాశం ఉన్నట్టు తెలుస్తోంది. ఈ నెల 10న కేబినెట్‌ భేటీ నిర్వహించనున్నట్టు సీఎస్‌ ఎల్వీ సుబ్రహ్మణ్యానికి సీఎం కార్యాలయం లేఖ పంపినప్పటికీ ముందస్తు అనుమతి కోసం కేంద్ర ఎన్నికల సంఘానికి సమాచారం ఇవ్వాల్సి ఉండటంతో సమావేశం వాయిదా పడింది. చంద్రబాబు కార్యాలయం లేఖ రాసిన నేపథ్యంలో అధికారులతో సమాలోచనలు జరిపిన సీఎస్‌.. ఎన్నికల కోడ్‌ అమలులో ఉన్నందున కేబినెట్‌ భేటీకి  కేంద్ర ఎన్నికల సంఘం అనుమతి తప్పనిసరని, రెండు రోజుల ముందే ఈసీఐకి సమాచారం ఇవ్వాల్సి ఉంటుందని వ్యాఖ్యానించారు. ఈ నేపథ్యంలో మంత్రివర్గ సమావేశం అజెండాను ముఖ్యమంత్రి కార్యాలయం సీఎస్‌కు పంపింది.