ఆ సీక్వెల్ నుంచి అనుపమ తప్పుకోలేదట..!

నిఖిల్ హీరోగా చందూ మొండేటి దర్శకత్వంలో కార్తికేయ-2 అనే చిత్రం తెరకెక్కనున్న సంగతి తెలిసిందే. ఈ సినిమాలో హీరోయిన్‌గా మలయాళ కుట్టీ అనుపమ ఫైనల్ అయినట్లు ఆ మధ్యన వార్తలు వచ్చాయి. అయితే ఫిలింనగర్ వర్గాల తాజా సమాచారం ప్రకారం ఈ ప్రాజెక్ట్ నుంచి అనుపమ తప్పుకున్నట్లు వార్తలు వస్తున్నాయి. ఈ సీక్వల్‌లో తన పాత్రకు పెద్ద ప్రాధాన్యత లేదని చెప్పిన అనుపమ.. ఈ ప్రాజెక్ట్‌లో తాను చేయలేనని చెప్పిందని టాక్. అయితే దీనిపై తాజాగా దర్శకుడు స్పందిస్తూ.. అవన్నీ వట్టి రూమర్స్ అని కొట్టిపారేశాడు.

సోషల్ మీడియాలో గత కొద్దిరోజులుగా వస్తున్న వార్తల్లో ఎలాంటి నిజం లేదన్న ఆయన.. అనుపమ తమ సినిమాలో నటిస్తోందని వెల్లడించారు. కాగా, లాక్ డౌన్ అనంతరం పర్మిషన్ వచ్చిన వెంటనే షూటింగ్ ప్రారంభించాలని చందూ మొండేటి సిద్దం అవుతున్నాడు. కాగా, ఈ సినిమాను పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్‌ సంయుక్తంగా నిర్మిస్తున్నారు.