నాని సహా ‘వి’ టీంకి షాకిచ్చిన అమెజాన్
అసలే మన తెలుగు చిత్ర సీమ ప్రముఖులకు సెంటిమెంట్లు చాలా ఎక్కువ. సినిమా ప్రారంభం దగ్గర్నుంచి పారితోషికాలు.. రిలీజ్ వరకూ అన్నీ సెంట్ మెంట్ మీదే దాదాపు నడుస్తాయి. ఇదే ఫార్ములా పాటించాలనుకున్న నేచురల్ స్టార్ నానికి మాత్రం
అసలే మన తెలుగు చిత్ర సీమ ప్రముఖులకు సెంటిమెంట్లు చాలా ఎక్కువ. సినిమా ప్రారంభం దగ్గర్నుంచి పారితోషికాలు.. రిలీజ్ వరకూ అన్నీ సెంట్ మెంట్ మీదే దాదాపు నడుస్తాయి. ఇదే ఫార్ములా పాటించాలనుకున్న నేచురల్ స్టార్ నానికి మాత్రం వి సినిమా రిలీజ్ విషయంలో అమెజాన్ షాకిచ్చింది. నాని ఫస్ట్ మూవీ అష్టాచమ్మా పన్నెండేళ్ల క్రితం ఈరోజు అంటే సెప్టెంబర్ 5న రిలీజై బంపర్ హిట్ కొట్టింది. ఇప్పుడు సరికొత్తగా ఓటీటీ ఫ్లాట్ ఫాంలో రిలీజౌతున్న తన కొత్త మూవీ ‘వి’ కూడా ఇదే రోజు రిలీజ్ చేయాలని భావించాడు నాని. చిత్ర యూనిట్ ఇదే ముహూర్తం ఖరారు చేసి అమెజాన్ ముందుంచింది. దీనికి ఓకే చెప్పింది సదరు సంస్థ. ఫలితంగా ‘వి’ సినిమా అర్థరాత్రి 12 గంటల 5 నిమిషాలకు స్ట్రీమ్ చేయాలి. కాని రాత్రి పది గంటలకే ఈ సినిమాని స్ట్రీమింగ్ కి ఉంచింది అమెజాన్. నిర్మాత దిల్ రాజు.. హీరో సహా మూవీ యూనిట్ ఎవ్వరికీ ఈ విషయం అస్సలు తెలియదట. అయితే, సినిమా 10 గంటలకే స్ట్రీమింగ్ అయిందన్న విషయం తెల్సుకున్న చిత్ర సభ్యులు ఒక్కసారిగా అవాక్కైపోయారు. మొత్తానికి ఇలా నాని 25 సినిమా అతని లక్కీ డేట్ సెప్టెంబరు 5న కాకుండా 4నే విడుదలైపోయిందన్నమాట.