గ్లాసు గేదె పాల కోసం బీహార్ వస్తానంటూ సోనూసూద్ ట్వీట్

ఆపదలో ఉన్నవారికి నేనున్నంటూ వెంటనే స్పందిస్తూ జన హృదయాలను కొల్లగొట్టిన యాక్టర్ సోనూసూద్ మరోసారి మనసు దోచేసుకున్నాడు. తాజాగా ఓ కుటుంబ ఆదాయ వ‌నరైన గేదె చ‌నిపోవ‌డంతో వారికి మ‌రో గేదెని కొనిచ్చి మాన‌వ‌త్వాన్ని చాటుకున్నారు. అయితే ,వారి కోసం కొత్త గేదెను కొన్న‌ప్పుడు క‌లిగిన ఆనందం, నా తొలి కారు కొన్న‌ప్పుడు క‌ల‌గ‌లేదంటూ ట్వీట్ చేశాడు. అంతేకాకు బీహార్ వ‌చ్చిన‌ప్పుడు ఆ గెదె పాలు గ్లాస్ తాగుతానంటూ త‌న ట్వీట్‌లో పేర్కొన్నాడు.

I was not as excited buying my first car as I was excited buying a new buffalo ? for you. Will drink a glass of fresh buffalo milk when I come to Bihar. ❤️ https://t.co/6I6azJZ3gZ

— sonu sood (@SonuSood) August 21, 2020

బిహార్ చంపారన్ లోని భోలా గ్రామానికి చెందిన ఒక కుటుంబానికి పాల వ్యాపారమే జీవనాధారం. ఇటీవల కన్న కొడుకుని, కుటుంబానికి ఏకైన ఆదాయ వనరు అయిన గేదెను కోల్పోయింది. ఈ విష‌యాన్ని కొందరు స్థానికులు ట్వీట్టర్ ద్వారా సోనూసూద్ దృష్టికి తీసుకువెళ్లారు. దీంతో వెంట‌నే స్పందించిన అపర కర్ణుడు సోనూసూద్ కొత్త గెదెని వారికి అందేలా త‌క్ష‌ణ చ‌ర్య‌లు చేప‌ట్టాడు. దీంతో ఆ కుటుంబం ముఖంలో ఆనందం వెల్లివిరిసింది. అనుకోకుండా అందిన సాయంతో సంతోషం వ్యక్తం చేసిన ఆ కుటుంబం సోనూసూద్ కి కృతజ్ఞత చెప్పుకున్నారు.