Video: జపాన్ వెళ్లిన టీమిండియా.. అభిషేక్ శర్మ లగేజ్ చూస్తే షాక్ అవ్వాల్సిందే..!

Abhishek Sharma: అంతర్జాతీయ వేదికలపై తన ధనాధన్ బ్యాటింగ్‌తో ప్రత్యర్థులకు వణుకు పుట్టించే అభిషేక్ శర్మ (Abhishek Sharma).. ఈసారి విమానాశ్రయంలో కనిపించిన తీరుతో నెటిజన్లకు కొత్త చర్చకు దారి తీశాడు. ఆసియా క్రీడల నిమిత్తం ప్రయాణమైన ఈ ఎడమచేతి వాటం బ్యాటర్ వెంట ఏకంగా ఆరు సూట్‌కేసులు ఉండటం అందరినీ ఆశ్చర్యపరిచింది. ఈ లగేజ్ తంతుకు సంబంధించిన వీడియో ప్రస్తుతం సోషల్ మీడియాలో విపరీతంగా చక్కర్లు కొడుతోంది. ఈ భారీ లగేజ్ చూసిన అభిమానులు రకరకాల ఊహాగానాలు చేస్తూ సరదాగా కామెంట్లు పెడుతున్నారు. టోర్నీలో ఎక్కువ రోజులు ఉండాల్సి వస్తుందనే ఉద్దేశంతో ఆయన చర్మ సంరక్షణ ఉత్పత్తులు భారీగా సర్దుకుని ఉంటారని కొందరు జోకులు పేల్చారు. మరికొందరైతే జపాన్‌లో క్రీడాకారుల బస ఏర్పాట్లపై వస్తున్న వార్తల నేపథ్యంలో ఏకంగా టెంటే మోసుకువెళ్తున్నారంటూ చమత్కరించారు. అసలు ఎన్ని సంవత్సరాల ట్రిప్ అంటూ ఓ నెటిజన్ చేసిన సరదా కామెంట్ తెగ వైరల్ అవుతోంది.

జపాన్‌లోని నగోయాలో పోటీల నిర్వాహకులు కల్పిస్తున్న వసతి ఏర్పాట్లపై కొన్ని ఇబ్బందికర వార్తలు వచ్చిన తరుణంలో ఈ జోకులు జోరుగా సాగుతున్నాయి. గదుల కేటాయింపులో ఆలస్యం, రవాణా సమస్యలతో పాటు ఆహార మార్పులపై అథ్లెట్లు ఇబ్బందులు పడుతున్నట్లు సమాచారం. నిర్వాహకులు హోటళ్లు, కంటైనర్ తరహా తాత్కాలిక గదులు అలాగే క్రూయిజ్ షిప్‌లలో క్రీడాకారులకు బస ఏర్పాటు చేశారు. ఇకపోతే ఈ ప్రయాణానికి ముందు ఆఫ్ఘనిస్తాన్ (Afghanistan) జట్టుతో జరిగిన టీ20 సిరీస్‌లో అభిషేక్ అద్భుతమైన ప్రదర్శన కనబరిచాడు. చివరి మ్యాచ్‌లో కేవలం 30 బంతుల్లోనే శతకం బాదిన ఆయన, మొత్తం 34 బంతుల్లో 108 పరుగులు సాధించి టీమిండియా తరపున అత్యంత వేగవంతమైన సెంచరీ రికార్డు సృష్టించాడు. 3 మ్యాచ్‌ల ఈ సిరీస్‌లో మొత్తం 229 పరుగులు చేసిన ఆయన, 76 సగటుతో 269 స్ట్రైక్ రేట్ నమోదు చేశాడు. భారత్ 3-0 తేడాతో సిరీస్ క్లీన్ స్వీప్ చేయడంలో కీలక పాత్ర పోషించిన ఈ డాషింగ్ ఓపెనర్, ప్లేయర్ ఆఫ్ ది సిరీస్ అవార్డును కూడా కైవసం చేసుకున్నాడు.

View this post on Instagram

A post shared by Khageshwari Ayer (@khageshwariayer)

మరిన్ని క్రికెట్ వార్తల కోసం ఇక్కడ క్లిక్ చేయండి..