Aadhaar-Ration Card: రేషన్ కార్డు హోల్డర్స్‌కు శుభవార్త.. ఇక నుంచి ఆ పని మరింత సులభతరమైంది.. పూర్తి వివరాలు ఇప్పుడే తెలుసుకోండి..
Aadhaar-Ration Card: భారత పౌరులందరికీ ఆధార్ కార్డ్ అత్యంత కీలకమైన ధృవీకరణ పత్రం. ప్రతీ అంశంలో దీని అవసరం పడుతుంది. ఆధార్‌కు సంబంధించిన అన్ని సేవలను ఆన్‌లైన్‌లోకి మార్చారు.
Aadhaar-Ration Card: భారత పౌరులందరికీ ఆధార్ కార్డ్ అత్యంత కీలకమైన ధృవీకరణ పత్రం. ప్రతీ అంశంలో దీని అవసరం పడుతుంది. ఆధార్‌కు సంబంధించిన అన్ని సేవలను ఆన్‌లైన్‌లోకి మార్చారు. ఫలితంగా దీనికి సంబంధించి అన్ని పనులను ఇంట్లో కూర్చునే చేసుకునే అవకాశం ఉంది. కాగా, ఆధార్ కార్డు సహాయంతో రేషన్ కార్డు వినియోగదారులకు ప్రత్యక్ష ప్రయోజనాలు లభిస్తున్నాయి. సబ్సిడీ సొమ్ము నేరుగా వారి ఖాతాల్లోకే చేరుతోంది. అయితే, కొన్ని సార్లు ఇందుకు సంబంధించిన సబ్సిడీ సొమ్ము పక్కదారి పడుతోంది. ఈ నేపథ్యంలో.. ఇలాంటి అక్రమాలను అరికట్టేందుకు ప్రభుత్వం పకడ్బందీ చర్యలు తీసుకుంటోంది. ఇందులో భాగంగానే.. ఆధార్ కార్డుకు, రేషన్ కార్డుకు లింక్ పెట్టింది సర్కార్. ఆధార్, రేషన్ కార్డు లింక్ చేయాలంటూ లబ్ధిదారులను కోరింది. అలా చేస్తేనే లబ్ధి పొందుతారంటూ కండీషన్ పెట్టింది. ప్రభుత్వ పథకాల ప్రయోజనాలు పొందాలంటే ఆధార్ కార్డు, రేషన్ కార్డ్ లింక్ తప్పనిసరి అని తేల్చి చెప్పింది. ఈ నేపథ్యంలోనే ఇవాళ రేషన్ కార్డుతో ఆధార్‌ను ఎలా అనుసంధానం చేయాలనే విషయాన్ని తెలుసుకుందాం..
ఆన్‌లైన్‌లో ఆధార్ కార్డ్‌ని ఇలా లింక్ చేయండి.. >> దీని కోసం ముందుగా అధికారిక వెబ్‌సైట్ uidai.gov.in కి వెళ్లండి. >> ఇప్పుడు మీరు ‘Start Now’ పై క్లిక్ చేయండి. >> ఇప్పుడు ఇక్కడ మీరు మీ చిరునామాను జిల్లా, రాష్ట్రం సహా వివరాలను నింపాలి. >> దీని తర్వాత ‘రేషన్ కార్డ్ బెనిఫిట్’ ఆప్షన్‌పై క్లిక్ చేయండి. >> ఇప్పుడు ఇక్కడ మీరు మీ ఆధార్ కార్డ్ నంబర్, రేషన్ కార్డ్ నంబర్, ఈ-మెయిల్ ఐడీ, మొబైల్ నంబర్ మొదలైన వివరాలను నింపండి. >> వివరాలను నింపిన తరువాత మీ రిజిస్టర్డ్ మొబైల్ నంబర్‌కు OTP వస్తుంది. >> ఇక్కడ OTPని నమోదు చేసిన తర్వాత, మీ స్క్రీన్‌పై ప్రక్రియ పూర్తయినట్లు సందేశం వస్తుంది. >> ఈ ప్రక్రియ అంతా పూర్తయిన వెంటనే, మీ ఆధార్ ధృవీకరించబడుతుంది. అలా మీ రేషన్ కార్డుతో ఆధార్ లింక్ చేయబడుతుంది.
మేరా రేషన్ మొబైల్ యాప్‌ని డౌన్‌లోడ్ చేసుకోండి.. వన్ నేషన్ వన్ రేషన్ కార్డ్ (ONORC) కింద మోడీ ప్రభుత్వం మేరా రేషన్ మొబైల్ యాప్‌ను కూడా ప్రారంభించింది. ఈ యాప్ సహాయంతో ఆన్‌లైన్ మొబైల్ యాప్ సహాయంతో రేషన్ కార్డుకు సంబంధించిన చాలా వరకు పనులు సునాయాసంగా పూర్తి చేసుకోవచ్చు. రేషన్ కార్డ్ హోల్డర్లు పీడీఎస్ సహాయంతో ఆహార ధాన్యాలను పొందుతారనే విషయం తెలిసిందే. అయితే ఇతర రాష్ట్రాలకు వెళ్లినప్పుడు కొన్ని ఇబ్బందులు ఎదురవుతున్నాయి. అటువంటి పరిస్థితిలో ఎలాంటి సమస్యనైనా పరిష్కరించే ఉద్దేశ్యంతో ‘మేరా రేషన్’ యాప్‌ను ప్రారంభించింది ప్రభుత్వం.
మొబైల్ యాప్ సహాయంతో ఆధార్‌ను లింక్ చేయండి.. మేరా రేషన్ యాప్ సహాయంతో రేషన్ కార్డు కోసం అప్లికేషన్ చేసుకోవచ్చు. అంతేకాకుండా రేషన్ కార్డును డౌన్‌లోడ్ కూడా చేసుకోవచ్చు. మీ రేషన్ ఆధార్ కార్డుతో లింక్ చేయబడిందా? లేదా? అనేది కూడా చెక్ చేసుకోవచ్చు. అలాగే లింక్ కూడా చేయవచ్చు. మీ రేషన్ కార్డులో ఇప్పటి వరకు ఎంత పంపిణీ జరిగింది, మీ చుట్టుపక్కల రేషన్ డీలర్ దుకాణం ఎక్కడ ఉంది వంటి వివరాలను కూడా సులువుగా తెలుసుకోవచ్చు. ఒకవేళ మీరు రేషన్ డీలర్‌ను మార్చాలనుకుంటే, ఈ మొబైల్ యాప్ ద్వారా మార్చుకోవచ్చు. ఈ ఫీచర్లన్నీ ఈ యాప్‌లో 10 విభిన్న భాషల్లో అందుబాటులో ఉన్నాయి.
#AzaadiKaAmritMahotsav अब आधार से जुड़ा काम हुआ आसान I आधार से राशन कार्ड उपभोक्ताओं को लाभ मिल रहा है और पैसा सीधे बैंक खातों में स्थानांतरित हो रहा है I आधार कार्ड के द्वारा आप भी बहुत सारे लाभ उठा सकते है I आज ही आधार कार्ड बनवाने या अपडेट करने के लिए आवेदन करें। pic.twitter.com/gpoUgLLagF
— Aadhaar (@UIDAI) January 4, 2022
Also read:
Viral Video: అందమైన ‘అల్బీనో స్నేక్‌’..సొగసు చూడతరమా..!
IND vs SA: ఆఫ్రికన్ గడ్డపై బుమ్రా, శార్దుల్ విధ్వంసం.. గాయాలపాలైన సౌతాఫ్రికా బ్యాటర్లు..!
Sara Ali Khan : లవ్‌ అంటూ ఇద్దరిని ముంచావ్‌.. ఇప్పుడు మూడో వాడు అలా ఉండాలా..(Video)
