Happy Relationship: వైవాహిక జీవితం సంతోషంగా ఉండాలా? అయితే, ఈ 5 చిట్కాలను తప్పక పాటించండి..
వివాహం అనేది ఏ వ్యక్తి జీవితంలోనైనా ఒక మలుపు. పెళ్లి తరువాత వారి జీవితం మొత్తం మారిపోతుంది. ఇద్దరు వ్యక్తులను ఏకం చేసే వివాహం అత్యంత పవిత్రమైనదిగా..
వివాహం అనేది ఏ వ్యక్తి జీవితంలోనైనా ఒక మలుపు. పెళ్లి తరువాత వారి జీవితం మొత్తం మారిపోతుంది. ఇద్దరు వ్యక్తులను ఏకం చేసే వివాహం అత్యంత పవిత్రమైనదిగా పరిగణించబడుతుంది. వివాహం అనేది ఉగాది పచ్చడి మాదిరిగా అన్ని రకాల కలయికలతో నిండి ఉంటుంది. ప్రేమ, తీపి, కారం, వగరు, పులుపు వంటి పరిస్థితులు వివాహ బంధంలో ఉంటాయి. ఇది జీవితాంతం ఉంటుంది. అయితే, భార్యాభర్తల మధ్య అసంతృప్తి ఎక్కువ కాలం ఉండదు. కొన్నిసార్లు కొందరు దంపతులు అలాంటి కొన్ని తప్పులు చేస్తారు. దీని కారణంగా వారి బాంధవ్యంలో పొరపొచ్చాలు తలెత్తుతాయి. మరి భార్యాభర్తల వైవాహిక జీవితం సంతోషంగా, ఆరోగ్యంగా ఉండాలంటే కొన్ని ప్రత్యేక చిట్కాలు పాటించాలి. తద్వారా వారి బంధం జీవితాంతం దృఢంగా ఉంటుందని నిపుణులు చెబుతున్నారు. మరి ఆ చిట్కాలేంటో ఇప్పుడు తెలుసుకుందాం..
ఒకరితో ఒకరు సమయం గడపండి..
వివాహిత జంటలు ఒకరితో ఒకరు ఎక్కువ సమయం గడిపేలా ప్లాన్ చేసుకోవాలి. ఇందుకోసం ప్రతి రాత్రి నిద్రపోయే ముందు మాట్లాడుకోవాలి. వారానికి ఒకసారి నడక కోసం బయటకు వెళ్లాలి. ఇద్దరూ కలిసి సరదాగా కాసేపు నడవాలి. ఇది బంధాన్ని మరింత పెంచుతుంది. ఇద్దరి మధ్య ఘర్షణ వాతావరణాన్ని తగ్గిస్తుంది.
విభేదాల గురించి మాట్లాడుకోవాలి..
ప్రతి సంబంధంలో తగాదాలు ఉంటాయి. ఇది చాలా సహజం. కొన్నిసార్లు ఆ తగాదాలు అదుపు తప్పి తారా స్థాయికి చేరుతాయి. ఇది మానసికంగా, శారీరకంగా ఇబ్బందికరంగా ఉంటుంది. ఏ సమస్య వచ్చినా ఒకరితో ఒకరు మాట్లాడుకోవడం ద్వారా పరిష్కరించుకోవచ్చు. ముఖ్యంగా ఘర్షణ గురించి ఇద్దరూ ప్రశాంతంగా కూర్చుకుని చర్చించుకోవాల్సిన అవసరం ఉంది.
ఒకరినొకరు గౌరవించుకోవాలి..
భార్యాభర్తలు ఒకరికొకరు గౌరవం ఇచ్చిపుచ్చుకోవాలి. ఇలా చేస్తే సంబంధం భిన్నంగా కనిపిస్తుంది. ఇది ఎప్పుడూ సంబంధంలో ప్రతికూలతను సృష్టించదు. మీ భాగస్వామి ఆశించిన విధంగా ప్రవర్తించండి.
ఒకరినొకరు క్షమించండి..
భాగస్వామి ఏదైనా తప్పు చేస్తే, వారిని క్షమించడం నేర్చుకోండి. ఎందుకంటే కొన్నిసార్లు కొన్ని విషయాలు రిలేషన్ షిప్లో అపార్థాన్ని కలిగిస్తాయి. ప్రతి ఒక్కరిలోనూ లోటుపాట్లు ఉంటాయి. ఆ లోటుపాట్లను విస్మరిస్తూ ఒకరినొకరు క్షమించుకోవడం అలవాటు చేసుకోవాలి. అలా అయితే జీవితం సాఫీగా సాగిపోతుంది.
మంచిని వెతకాలి..
మీ భాగస్వామిలో చెడును వెతికే బదులు.. మంచిని వెతికే ప్రయత్నం చేయండి. కాలక్రమేణా.. వారి మంచితనం గురించి, వారి దృక్పథాలు మారవచ్చు.
హ్యూమన్ ఇంట్రస్ట్ వార్తల కోసం ఈ లింక్ క్లిక్ చేయండి..