అలర్ట్: ఈ వస్తువులను తాకితే వెంటనే చేతులు కడగాలట..! వీటిని లైట్ గా తీసుకోకండి చాలా డేంజర్..!

న్యూయార్క్‌లో నిర్వహించిన ఒక పరిశోధనలో కరెన్సీ నోట్లపై వేల సంఖ్యలో సూక్ష్మక్రిములు, వైరస్లు ఉన్నాయని శాస్త్రవేత్తలు గుర్తించారు. అనేక వ్యాధుల వ్యాప్తికి ప్రధాన కారణం మన చేతుల ద్వారానే జరుగుతుంది. 2017లో ప్రచురించబడిన Journal of Infectious Diseases అధ్యయనంలో కూడా చేతుల పరిశుభ్రత వల్ల పేగు సంబంధ వ్యాధులు తగ్గుతాయని తేలింది.

ఇందువల్ల కొన్ని ప్రత్యేకమైన వస్తువులను తాకిన వెంటనే చేతులు కడుక్కోవడం అనివార్యమని ఆరోగ్య నిపుణులు సూచిస్తున్నారు. మరి ఆ వస్తువులు ఏంటో ఇప్పుడు తెలుసుకుందాం.

కరెన్సీ నోట్లు

నేటి డిజిటల్ యుగంలో ఆన్‌లైన్ పేమెంట్లు విస్తృతంగా పెరిగినా నగదు లావాదేవీలు పూర్తిగా తగ్గిపోలేదు. అయితే కరెన్సీ నోట్లు అనేక మంది చేతుల్లో మారిపోతూ ఉండటంతో ఇవి అనేక సూక్ష్మక్రిములు, వైరస్లు కలిగి ఉంటాయి. న్యూయార్క్‌లోని ఒక బ్యాంక్‌లో నిర్వహించిన పరిశోధన ప్రకారం కరెన్సీ నోట్లపై వైరస్లు, బ్యాక్టీరియా, జంతువుల DNA కూడా ఉన్నాయని గుర్తించారు. నోట్లను తాకిన తర్వాత చేతులు శుభ్రంగా కడుక్కోవడం ఆరోగ్యాన్ని రక్షించుకోవడానికి చాలా అవసరం.

రెస్టారెంట్ మెనూ కార్డులు

హోటల్, రెస్టారెంట్లలో ఉండే మెనూ కార్డులు అనేక మంది చేతుల్లో మారిపోతాయి. అరిజోనా విశ్వవిద్యాలయం చేసిన పరిశోధన ప్రకారం ఒక రెస్టారెంట్ మెనూ కార్డుపై సుమారు 1,85,000 రకాల బ్యాక్టీరియా ఉంటాయి. ఈ మెనూలను తాకిన తర్వాత చేతులు కడుక్కోకపోతే ఆహారం తినేటప్పుడు క్రిములు శరీరంలోకి వెళ్లే ప్రమాదం ఉంది. అందుకే రెస్టారెంట్ మెనూలను తాకిన వెంటనే లేదా ఆహారం తినే ముందు చేతులను శుభ్రం చేసుకోవడం చాలా ముఖ్యం.

ఆస్పత్రిలోని వస్తువులు

ప్రతిరోజూ అనేక మంది రోగులు ఆసుపత్రులకు వస్తుంటారు. ఈ కారణంగా ఆసుపత్రుల లోపల అనేక వైరస్లు, సూక్ష్మక్రిములు ఉండే అవకాశం ఉంటుంది. హాస్పిటల్ బెంచీలు, డోర్ హ్యాండిల్స్, ఎక్స్-రే మెషిన్లు, బైఓమెట్రిక్ ప్యాడ్స్ వంటి వస్తువులను తాకిన వెంటనే చేతులను శుభ్రం చేసుకోవడం ఆరోగ్య రక్షణకు చాలా అవసరం.

బస్, ట్రైన్‌, మెట్రో

ప్రజా రవాణా వాహనాలు ప్రతిరోజూ వేలాది మంది ప్రయాణికులను తీసుకెళ్తాయి. బస్సు, రైలు, మెట్రో వంటి వాటిలో హ్యాండిల్‌లు, సీట్లు, డోర్ పైన ఉన్న గ్రిప్‌లను అనేక మంది తాకుతుంటారు. కొలంబియా విశ్వవిద్యాలయ పరిశోధన ప్రకారం ప్రయాణికుల చేతుల ద్వారా అనేక సూక్ష్మక్రిములు వ్యాపించే అవకాశం ఉంది. కాబట్టి బస్సు హ్యాండిల్స్, మెట్రో గేట్లు తాకిన వెంటనే చేతులను శుభ్రం చేసుకోవడం చాలా అవసరం.

పెన్స్, పెన్సిల్స్

ప్రతిరోజూ మనం పెన్నులను ఉపయోగించాల్సి వస్తుంది. కానీ ఒక కార్యాలయంలో ఉపయోగించే పెన్‌పై మరుగుదొడ్డి సీటు కంటే 10 రెట్లు ఎక్కువ క్రిములు ఉంటాయని వాల్ స్ట్రీట్ జర్నల్ అధ్యయనం చెబుతోంది. కార్యాలయాల్లో, బ్యాంక్‌లలో లేదా పబ్లిక్ ప్లేస్‌లలో పెన్నులను ఉపయోగించేటప్పుడు ప్రత్యేక జాగ్రత్త తీసుకోవాలి. మరొకరి పెన్నును ఉపయోగించిన వెంటనే చేతులను శుభ్రం చేసుకోవడం ఉత్తమం.

మన ఆరోగ్యం మన చేతుల్లోనే ఉంది. కేవలం కొన్ని సులభమైన అలవాట్లు, చేతులను శుభ్రంగా ఉంచుకోవడం వల్ల అనేక వ్యాధులను నివారించుకోవచ్చు. ఇక్కడ చెప్పిన ఈ 5 ముఖ్యమైన వస్తువులను తాకిన వెంటనే చేతులు శుభ్రం చేసుకోవడం ద్వారా ఆరోగ్య సమస్యల నుంచి రక్షణ పొందవచ్చు.