Vegetable Soup: అధిక బరువుకు ఆకుకూరల సూప్ తో చెక్!!
ఆకు కూరలు తింటే చాలా మంచిదని డాక్టర్లు చెప్పడమే కాదు.. మనకు కూడా తెలుసు. కానీ మనం వాటిని చాలా దూరంగా పెడుతూంటాం. ప్రస్తుతం ఉన్న కాలంలో చాలా మంది జంక్ ఫుడ్ కి అలవాటు పడ్డారు. రోజుకు ఏదో రూపంలో జంక్ ఫుడ్ మన బాడీలోకి వెళ్లిపోతూ..
Updated on: Jul 22, 2023 | 3:51 PM
ఆకు కూరలు తింటే చాలా మంచిదని డాక్టర్లు చెప్పడమే కాదు.. మనకు కూడా తెలుసు. కానీ మనం వాటిని చాలా దూరంగా పెడుతూంటాం. ప్రస్తుతం ఉన్న కాలంలో చాలా మంది జంక్ ఫుడ్ కి అలవాటు పడ్డారు. రోజుకు ఏదో రూపంలో జంక్ ఫుడ్ మన బాడీలోకి వెళ్లిపోతూ ఉంటుంది. అయితే కాస్త సమయం వెచ్చిస్తే.. ఆరోగ్యం మన సొంతం అవుతుంది. ఆకు కూరలు తినని వాళ్లు ఈ వెజిటేబుల్ సూప్ చేసుకుని హాయిగా లాంగించేయొచ్చు. దీని వల్ల అధిక బరువుకు కూడా పుల్ స్టాప్ పెట్టొచ్చు. వీటిని తీసుకోవడం వల్ల డీటాక్స్ గా పని చేసి బరువు తగ్గుతారు. మరి ఆ సూప్ ఏంటి? ఎలా చేసుకోవాలో ఓసారి లుక్కేసెద్దాం.
ఈ వెజిటేబుల్ సూప్ కి కావాల్సిన పదార్థాలేంటంటే.. పాలకూర, మెంతికూర, బ్రకోలీ, వాటర్, ఆలీవ్ ఆయిల్ లేదా నెయ్యి, కొత్తిమీర, కార్న్ ఫ్లోర్, తులసి ఆకులు, అల్లం, మిరియాలు, ఉప్పు.
తయారీ విధానం: ఓ గిన్నెలో నీరు పోసి ఆకు కూరలు, తరిగిన కూరగాయాలు, ఉప్ప వేసి 8 నుంచి 10 నిమిషాల పెట్టి మీడియం మంట మీద ఉడికించాలి. ఆ తర్వాత మరో పాన్ లో నెయ్యి లేదా ఆలీవ్ ఆయిల్ వేసి ఉల్లిపాయ, వెల్లుల్లి వేసి బాగా వేగించుకోవాలని. ఈ లోపు ఉడకపెట్టిన ఆకుకూరల, కూరగాయల మిశ్రమాన్ని మిక్సీలో వేసి బాగా గ్రైడ్ చేసి.. ఉల్లిపాయ, వెల్లుల్లి వేసి ఫ్రై చేస్తోన్న పాన్ లో కలపాలి.
ఇవి ఉడుకుతుండగా.. ఓ చిన్న గిన్నెలో మొక్కజొన్న కొంచెం పిండి వేసి అందులో వాటర్ పోసి కలిపిన మిశ్రమాన్ని కూడా వేసి మరిగించాలి. ఇప్పుడు సూప్ మందంగా తయారవుతుంది. ఇప్పుడు కొత్తమీర తరుగు, సరిపడ ఉప్పు, మిరియాల పొడి వేస్తే సూప్ రెడీ.
ఈ రెయినీ సీజన్ లో ఇలాంటివి తీసుకుంటే ఫిట్ నెస్, ఆరోగ్యం మన సొంతమవుతుంది. ఈ సూప్ తీసుకోవడం వల్ల శరీర ఛాయ కూడా మెరుస్తూ ఉంటుంది. ఆకు కూరల్లో యాంటీ ఆక్సిడెంట్స్, ఐరన్, కాల్షియం, మెగ్నీషియం, పొటాషియం, విటమిన్ సీ, విటమిన్ కే, విటమిన్ ఎలు పుష్కలంగా ఉంటాయి.
మరిన్ని ఆరోగ్య సంబంధిత వార్తల కోసం క్లిక్ చేయండి…
