Oil Side Effects: ఒకసారి వాడిన నూనెను మళ్లీ వాడకూడదా? తిరిగి యూజ్ చేయాలంటే ఈ టిప్స్ పాటించండి!
భారతీయ వంటకాల్లో ఎక్కువగా వినియోగించేది నూనె. ఏం చేయాలన్నా కావాల్సింది నూనె. ఆయిల్ లేకుండా ఏ వంటా పూర్తి కాదు. చిరు తిళ్లు నుంచి పిండి వంటల దాకా నూనె వినియోగం ఎక్కువ. పూర్వం ఏదో వేశామన్న పేరుకు వాడే వారు. అయినా ఎంతో టేస్టీగా ఉండేవి కూరలు. కానీ ఇప్పుడు కేజీలకు కేజీలు పోసి మరి వండేస్తున్నారు. అయితే కొన్ని రకాల పిండి వంటలు చేసేటప్పుడు లేదా నాన్ వెజ్ వేపుళ్లు, పకోడీలు చేసినప్పుడు తప్పకుండా డీప్ ఫ్రై చేస్తూంటారు. అయితే ఒకసారి యూజ్..
Updated on: Oct 04, 2023 | 4:45 PM
భారతీయ వంటకాల్లో ఎక్కువగా వినియోగించేది నూనె. ఏం చేయాలన్నా కావాల్సింది నూనె. ఆయిల్ లేకుండా ఏ వంటా పూర్తి కాదు. చిరు తిళ్లు నుంచి పిండి వంటల దాకా నూనె వినియోగం ఎక్కువ. పూర్వం ఏదో వేశామన్న పేరుకు వాడే వారు. అయినా ఎంతో టేస్టీగా ఉండేవి కూరలు. కానీ ఇప్పుడు కేజీలకు కేజీలు పోసి మరి వండేస్తున్నారు. అయితే కొన్ని రకాల పిండి వంటలు చేసేటప్పుడు లేదా నాన్ వెజ్ వేపుళ్లు, పకోడీలు చేసినప్పుడు తప్పకుండా డీప్ ఫ్రై చేస్తూంటారు. అయితే ఒకసారి యూజ్ చేసిన ఆయిల్ ని.. మళ్లీ వాడకూడదని ఆరోగ్య నిపుణులు చెబుతూంటారు. కానీ కొందరు మాత్రం రోజుల తరబడి నిల్వ చేసి ఉపయోగిస్తూంటారు. ఇలా చేయడం ఆరోగ్యానికి చాలా ప్రమాదం.
దీంతో ఆ ఆయిల్ ని ఏం చేయాలా అని చాలా మంది ఆలోచిస్తూ ఉంటారు. ఒకసారి వేడి చేసిన ఆయిల్ లో ఫ్రీ రాడికల్స్ అనేవి పెరుగుతాయి. దీంతో ఈ నూనెను ఉపయోగించడం వల్ల ప్రాణాంతకమైన వ్యాధులు.. గుండె జబ్బులు, క్యాన్సర్లు, డయాబెటీస్, రక్త పోటు వంటివి వచ్చే అవకాశాలు మెండుగా ఉన్నాయి. ఇలాంటప్పుడు కొన్ని చిట్కాలను పాటించడం వల్ల తిరిగి ఆ నూనెను ఉపయోగించుకోవచ్చు. ఇలా చేస్తే ఆ నూనె వాడినప్పటికీ మనకు ఎలాంటి హానీ జరగదు. మరి ఆ టిప్స్ ఏంటో చూద్దాం.
తక్కువ మోతాదులో తీసుకోండి:
డీప్ ఫ్రైకి నూనె వేడి చేస్తున్నప్పుడే.. తక్కువ మోతాదులో తీసుకోవాలి. దీంతో నూనె కూడా సేవ్ అవుతుంది.
వడ కట్టాలి:
వాడిన నూనెను తిరిగి వాడాలి అనుకున్నప్పుడు.. డీప్ ఫ్రైకి పెట్టిన నూనెను చల్లారిన తర్వాత వడ కట్టాలి. ఇలా చేస్తే ఆయిల్ శుభ్ర పడుతుంది.
కూరలకు మాత్రమే వినియోగించాలి:
ఒక సారి డీప్ ఫ్రైకి వాడిన నూనెను మళ్లీ డీప్ ఫ్రైకు వాడకూడదు. అలా చేస్తే ఆ నూనె విషంతో సమానం. ఆ నూనెతో చేసిన ఆహారాలు తొందరగా అరగవు. దీని వల్ల జీర్ణ సమస్యలు ఎదురవుతాయి. అందుకే బయట డీప్ ఫ్రై చేసిన ఆహార పదార్థాలకు దూరంగా ఉండాలి. బయట వేడి చేసిన నూనెనే.. మళ్లీ మళ్లీ వేడి చేస్తూ ఉంటారు. ఇక డీప్ ఫ్రై చేసిన ఆయిల్ ను కూరలు వండేటప్పుడు మాత్రమే యూజ్ చేయాలి. అది కూడా రెండు, మూడు రోజుల్లోనే వాడేయాలి. లేదంటే ఆ నూనె ఇక పనికి రాదు.
పొగ రాకుండా నూనె వేడి చేయాలి:
డీప్ ఫ్రై చేసే ముందు దగ్గర ఉండి ఆయిల్ ను వేడి చేసుకోవాలి. ఒకసారి నూనె నుంచి పొగలు వచ్చేంతగా వేడెక్కితే మాత్రం.. ఆ నూనెను మళ్లీ అస్సలు వాడకూడదు.
డీప్ ఫ్రై చేయాలంటే స్టీల్ కడాయి బెస్ట్:
చాలా మంది డీప్ ఫ్రై వంటకాలు చేస్తే ఇనుప కడాయిలో చేస్తారు. మళ్లీ ఆ నూనెను తిరిగి వాడినప్పుడు ఒకలాంటి స్మెల్ వస్తుంది. కాబట్టి డీప్ ఫ్రై చేయాలనుకుంటే మాత్రం ఇనుప కడాయిల్లో చేయకూడదు.
ఇలా పై టిప్స్ ను ఉపయోగించి హ్యాపీగా ఒక సారి యూజ్ చేసిన ఆయిల్ ను మరలా ఉపయోగించుకోవచ్చు.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణుల నుంచి సేకరించిన సమాచారం. వీటిని ఫాలో అయ్యే ముందు ఒకసారి వైద్యుల్ని సంప్రదించడం మేలు.
