చుండ్రు సమస్యతో ఇబ్బంది పడుతున్నారా..? అయితే సింపుల్ హోమ్ రెమెడీస్తో గుడ్బై చెప్పండి..!
చుండ్రు సమస్య చాలా మందిని వేధిస్తుంది. ఇది జుట్టు ఆరోగ్యాన్ని దెబ్బతీసి, జుట్టు రాలే ప్రమాదాన్ని పెంచుతుంది. చుండ్రును తగ్గించేందుకు ఇంట్లోనే అందుబాటులో ఉండే కొన్ని సహజ చిట్కాలను పాటించడం చాలా మంచిది. ఆ చిట్కాలు ఏంటో ఇప్పుడు వివరంగా తెలుసుకుందాం.
Updated on: Feb 21, 2025 | 9:34 PM
కొబ్బరి నూనె, నిమ్మరసం, యాపిల్ సైడర్ వెనిగర్, అలోవెరా గుజ్జు, ఉసిరి పొడి, ఉల్లిపాయ రసం, ఎగ్ మాస్క్, టీ ట్రీ ఆయిల్, బేకింగ్ సోడా వంటివి చుండ్రును తగ్గించడంలో సహాయపడతాయి. ఇవి తల చర్మాన్ని పోషించి, కొత్త జుట్టు ఎదిగేలా చేయడంతో పాటు చుండ్రు మళ్లీ రాకుండా నియంత్రిస్తాయి. ఈ ఇంటి చిట్కాల గురించి వివరంగా తెలుసుకుందాం.
కొబ్బరినూనె
నిమ్మరసం కొబ్బరినూనె స్కాల్ప్ ను మాయిశ్చరైజ్ చేస్తుంది. నిమ్మరసంలోని యాంటీ ఫంగల్ గుణాలు డాండ్రఫ్ తో పోరాడతాయి. ఈ రెండిటీని కలిపి రాసుకొని 30 నిమిషాల తర్వాత స్నానం చేస్తే చుండ్రు తొలగుతుంది.
యాపిల్ సైడర్ వెనిగర్
యాపిల్ సైడర్ వెనిగర్లో యాంటీ బ్యాక్టీరియల్, యాంటీ ఫంగల్ గుణాలు ఉన్నాయి. ఇవి డాండ్రఫ్ను తొలగిస్తాయి. నీటిలో యాపిల్సైడర్ వెనిగర్ కలిపి రాసుకుంటే చుండ్రు పోతుంది.
కలబంద
కలబంద స్కాల్ప్ ను ఆరోగ్యవంతంగా ఉంచుతుంది. అలోవెరా జెల్ రాసుకుంటే చుండ్రు మాయం అవుతుంది.
ఉల్లిరసం
ఉల్లిరసంలో సల్ఫర్ కంటెంట్ ఎక్కువగా ఉంటుంది. ఇది జుట్టు పెరుగుదలకు సహాయపడుతుంది. ఉల్లిరసం అప్లై చేయడం వల్ల చుండ్రు సమస్య కూడా తగ్గుతుంది.
ఉసిరి
ఉసిరిలో విటమిన్ సి కంటెంట్ ఎక్కువగా ఉంటుంది. ఉసిరి పొడిని స్కాల్ప్ కు అప్లై చేయడం వల్ల చుండ్రు తగ్గుతుంది.
ఎగ్ మాస్క్
ఎగ్ ప్రోటీన్ కంటెంట్ ఎక్కువగా ఉంటుంది. ఎగ్ మాస్క్ అప్లై చేయడం వల్ల జుట్టు మూలాల నుంచి దృఢంగా మారుతుంది. చుండ్రు తగ్గుతుంది.
టీ ట్రీ ఆయిల్
టీ ట్రీ ఆయిల్లో యాంటీ ఫంగల్, యాంటీ బ్యాక్టీరియల్ గుణాలు అధికంగా ఉంటాయి. ఇవి చుండ్రు సమస్యను తగ్గించడంలో సహాయపడతాయి. కొబ్బరినూనెలో టీ ట్రీ ఆయిల్ కలిపి రాసుకుంటే మంచిది.
బేకింగ్ సోడా
చుండ్రు సమస్యను తగ్గించడంలో బేకింగ్ సోడా సహాయపడుతుంది. బేకింగ్ సోడాను నీటిలో కలిపి పేస్ట్ తయారు చేయాలి. దీన్ని స్కాల్ప్ కు రాసుకుంటే పీహెచ్ విలువ స్థిరంగా మారుతుంది.
(ఈ సమాచారం కేవలం అవగాహన కోసం మాత్రమే. చుండ్రు తగ్గించుకునేందుకు సహజమైన ఇంటి చిట్కాలు ఉపయోగకరంగా ఉండవచ్చు. కానీ అన్ని చర్మ రకాలకూ ఒకే విధంగా పనిచేస్తాయని చెప్పలేం. మీ చర్మం సెన్సిటివ్ అయితే ఏదైనా చిట్కాను ఉపయోగించే ముందు పాచ్ టెస్ట్ చేసుకోవాలి. చుండ్రు తీవ్రంగా ఉంటే తప్పనిసరిగా వైద్యుడిని సంప్రదించడం మంచిది)
