Olive Oil vs Coconut Oil: గుండె ఆరోగ్యానికి ఏ నూనె మంచిదో మీకు తెలుసా..?
గుండె ఆరోగ్యాని కి సరైన వంట నూనె ఎంచుకోవడం చాలా చాలా ముఖ్యం. కొబ్బరి నూనె, ఆలివ్ నూనె రెండూ మంచివే అయినా.. వాటి లో ఉండే కొవ్వుల రకం, వాటిని ఉపయోగించే విధానం గుండె పై వేర్వేరు ప్రభావాలు చూపిస్తాయి.
Updated on: Aug 03, 2025 | 9:21 PM
గుండె ఆరోగ్యానికి ఏ నూనె మంచిది అనే దానిపై చాలా చర్చ జరుగుతూ ఉంటుంది. కొబ్బరి నూనె, ఆలివ్ నూనె రెండూ ప్రసిద్ధమైనవే. అయితే ఈ రెండింటిలో ఏది గుండెకు ఎక్కువ మేలు చేస్తుందో.. నిపుణులు ఏం చెబుతున్నారో ఇప్పుడు వివరంగా తెలుసుకుందాం.
ఆలివ్ ఆయిల్
గుండెకు ఎందుకు మంచిది.. ఆలివ్ ఆయిల్ లో ముఖ్యంగా మోనోఅన్సాచురేటెడ్ కొవ్వులు ఉంటాయి. ఇవి చెడు కొలెస్ట్రాల్ (LDL) స్థాయిలను తగ్గించి.. మంచి కొలెస్ట్రాల్ (HDL) స్థాయిలను పెంచుతాయి.
అదనపు ప్రయోజనాలు.. ఆలివ్ ఆయిల్ లో ఉండే యాంటీఆక్సిడెంట్లు, పాలిఫెనాల్స్ శరీరంలో వాపులను తగ్గించి రక్తనాళాలను ఆరోగ్యంగా ఉంచుతాయి. ఇది గుండె సంబంధిత వ్యాధుల ప్రమాదాన్ని తగ్గిస్తుందని అనేక పరిశోధనలు రుజువు చేశాయి. ముఖ్యంగా ఎక్స్ట్రా వర్జిన్ ఆలివ్ ఆయిల్ (Extra Virgin Olive Oil) గుండెకు చాలా మంచిది.
కొబ్బరి నూనె
గుండెకు ఎందుకు మంచిది కాదు.. కొబ్బరి నూనెలో ఎక్కువ మొత్తంలో సంతృప్త కొవ్వులు (Saturated Fats) ఉంటాయి. ఈ కొవ్వులు చెడు కొలెస్ట్రాల్ (LDL) స్థాయిలను పెంచుతాయి. LDL స్థాయిలు పెరిగితే అది గుండె జబ్బుల ప్రమాదాన్ని పెంచుతుంది.
కొన్ని ప్రయోజనాలు.. కొబ్బరి నూనెలో ఉండే మీడియం చైన్ ట్రైగ్లిసరైడ్స్ (MCTs) శరీరంలో త్వరగా శక్తిగా మారుతాయి. అయితే గుండె ఆరోగ్యం విషయంలో దీనిపై ఇంకా స్పష్టమైన ఆధారాలు లేవు.
గుండె ఆరోగ్యానికి ఆలివ్ నూనెను వాడటం ఉత్తమం. ఆలివ్ నూనెలో ఉండే ఆరోగ్యకరమైన కొవ్వులు గుండెను రక్షించడంలో సహాయపడతాయి. అయితే కొబ్బరి నూనెను పూర్తిగా మానేయాల్సిన అవసరం లేదు. దాన్ని తక్కువ మోతాదులో.. అప్పుడప్పుడూ రుచి కోసం వాడొచ్చు. కానీ రోజువారీ వంటలకు మాత్రం ఆలివ్ నూనె మంచిది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
