Diabetes and Eggs: డయాబెటిస్ బాధితులకు అలర్ట్.. గుడ్డు తినొచ్చా..? నిపుణులు ఏం చెబుతున్నారంటే..

గుడ్డు(Egg) తినడం కామన్‌గా మారింది. గుడ్డులో అధిక పోషకాలు లభించడంతో పాటు విటమిన్‌ ఎ, సి, డి, ఇంకా ప్రొటీన్స్‌ పుష్కలంగా ఉండటంతో అందరూ గుడ్డు తినేవారి సంఖ్య రోజు రోజుకు పెరుగుతోంది. గరిష్ట ప్రయోజనాల కోసం ప్రతిరోజూ కనీసం ఒకటి నుంచి రెండు గుడ్లు తీసుకోవాలని నిపుణులు సూచిస్తుంటారు. మధుమేహ(Diabetes) వ్యాధిగ్రస్తులు ఆహారం పట్ల ప్రత్యేక శ్రద్ధ వహించాలి. కాబట్టి ఏదైనా తినేటప్పుడు.. అది ఎంత వరకు తనకు ఆరోగ్యకరమైన ఆహారమో తెలుసుకోవాలి. రక్తంలో చక్కెర స్థాయిని అదుపులో ఉంచుకునేందుకు ప్రయత్నించాలి. వాస్తవానికి.. రక్తంలో గ్లూకోజ్ స్థాయి పెరగడం వల్ల గుండెపోటు, మూత్రపిండాల వైఫల్యం, బహుళ అవయవ వైఫల్యం, బ్రెయిన్ స్ట్రోక్ వంటి తీవ్రమైన ప్రాణాంతక వ్యాధుల వచ్చే అవకాశం ఉంది. మధుమేహ వ్యాధిగ్రస్తులు తాము తీసుకునే ఆహారంపై ప్రత్యేకంగా ఫోకస్ పెట్టాల్సి ఉంటుంది. వీటిలో తీసుకునే ఆహారం పరిమాణం, క్రమశిక్షణ, జంక్ ఫుడ్ కు దూరంగా ఉండాలా ప్లాన్ చేసుకోవాలి.

సాధారణంగా మధుమేహులకు ఆకలి ఎక్కువగా ఉంటుంది. కాబట్టి అత్యవసర పరిస్థితుల్లో ఆకలి తీర్చుకోవటానికి పండ్లు, గింజలు వంటివి దగ్గర పెట్టుకుంటే మంచిది. ముడి బియ్యం, పొట్టు తియ్యని ధాన్యాలు వంటివి తీసుకోవటం వల్ల పీచుపదార్థం అధికంగా లభ్యమై మధుమేహాన్ని నియంత్రించుకోవటంలో తోడ్పతుంది. ఎలాంటి ఆహారం తీసుకోవాలో చాలామందికి తెలియదు. ఇందులో చాలా మంది   డయాబెటిక్ పేషెంట్లు గుడ్డు తినాలా..? తినడం వల్ల ఏమైనా హాని కలుగుతుందా..? అని ఆందోళన చెందుతారు.  అయితే గుడ్డు తినడం వల్ల కలిగే లాభ నష్టాల గురించి తెలుసుకుందాం..

ప్రోటీన్ స్టోర్: గుడ్లు ప్రోటీన్ అధికంగా ఉండే ఆహారం. సండే యా మండే రోజూ తినండి అండే.. డయాబెటిక్ రోగులకు కూడా గుడ్లు వల్ల చాలా ప్రయోజనాలు ఉన్నాయి. మీరు లో షుగర్, హై షుగర్‌తో బాధపడుతున్నట్లయితే.. మీ ఆహారంలో ప్రోటీన్ తీసుకోవడం ఉత్తమం. అందువల్ల, గుడ్లు తినడం ఖచ్చితంగా మీ ఆరోగ్యానికి అనేక విధాలుగా ప్రయోజనకరంగా ఉంటుంది. ఆరోగ్య నిపుణుల అభిప్రాయం ప్రకారం, గుడ్లలో ప్రోటీన్లు పుష్కలంగా ఉంటాయి. ఆహారం నుంచి ప్రోటీన్ రక్తంలో చక్కెర స్థాయిని నియంత్రించడంలో సహాయపడుతుంది.

పరిశోధనలో ..: 2011 సంవత్సరంలో బ్రిటిష్ జర్నల్ ఆఫ్ మెడిసిన్‌లో ప్రచురించబడిన ఒక అధ్యయనం ప్రకారం, టైప్ 2 మధుమేహం ఉన్న రోగులు రోజుకు 2 గుడ్లు తినే వారి చెడు కొలెస్ట్రాల్ లేదా LDL కొలెస్ట్రాల్‌లో తగ్గుదల కనిపించింది, లిపిడ్ ప్రొఫైల్, బ్లడ్ షుగర్ మరియు మెరుగుదలలు కనిపించాయి. రక్తపోటు రెండూ నియంత్రణలో ఉంటాయి. కానీ ఒకటి కంటే ఎక్కువ గుడ్లు ఆరోగ్యానికి హానికరం.

అధిక గ్లైసెమిక్ ఇండెక్స్ ఉన్న ఆహారాలు : డయాబెటిస్ ఉన్న రోగులు అధిక గ్లైసెమిక్ ఇండెక్స్ ఉన్న ఆహారాన్ని తీసుకోకుండా ఉండాలి. ఎందుకంటే అలాంటివి రక్తంలో గ్లూకోజ్ స్థాయిని పెంచుతాయి. ఇది డయాబెటిక్ రోగులకు సమస్యలను కలిగిస్తుంది. కాబట్టి మధుమేహ వ్యాధిగ్రస్తులు మాంసం, ప్రాసెస్ చేసిన ఆహారం మొదలైన వాటికి దూరంగా ఉండాలి.

ఇవి కూడా చదవండి: Russia Ukraine War Live Updates: ఉక్రెయిన్‌పై ఆగని బాంబుల వర్షం.. దద్దరిల్లుతున్న పట్టణాలు.. కుప్పకూలుతున్న భవనాలు..

Job Fair: రౌడీషీటర్లకు బంపర్ ఆఫర్.. పోలీసుల జాబ్‌ మేళాకు భారీ స్పందన..