మీ అరికాళ్లలో తరచు వాపు వస్తుందా ? అయితే అశ్రద్ధ చేయకండి.. ఈ వ్యాధుల లక్షణాలే..

ఉద్యోగాలు చేసేవారిలో అరికాళ్ల వాపు సమస్య ఎక్కువగా ఉంటుంది. ఎక్కువ సేపు కూర్చోవడం వలన తిమ్మిర్లు రావడం.. అరికాళ్లలో వాపు రావడం జరుగుతుంది. అలాగే కాలికి గాయమైనప్పుడు మెలి తిప్పడం వలన కాలులో వాపు వస్తుంది. రోజంతా కూర్చిలో కూర్చుని పనిచేసే వ్యక్తుల కాళ్లు నిరంతరం వేలాడడం వలన వాపు సమస్య వస్తుంది. అరికాళ్లలో తీవ్రంగా వాపు సమస్య ఉంటుంది.. శ్వాస లోపం, ఛాతీ నొప్పితోపాటు, కాళ్లలో వాపు ఉంటే డాక్టర్లను సంప్రదించడం మంచిది.

కిడ్నీ సమస్యలు.. కాళ్లలో వాపు వస్తే..వెంటనే కిడ్నీ పరీక్ష చేయించుకోవడం మంచిది. మూత్రపిండాలు సరిగా పనిచేయని వారి శరీర ద్రవాలు పేరుకుపోతాయి. ఈ పరిస్థితి శ్వాసలోపం, కాళ్లు వాపు, మూత్రవిసర్జన కోల్పోవడం, అలసట మొదలైన వాటికి కారణమవుతుంది. అందువల్ల పాదాలపై వాపు ఉంటే నిపుణుల సలహాలను తప్పకుండా తీసుకోండి.

గుండె జబ్బుల ప్రమాదం గుండె సరిగా పనిచేయకపోతే కొన్నిసార్లు గుండె రక్తాన్ని సరిగా పంప్ చేయదు. అలాంటి సందర్భాలలో నీరు, ఉప్పును నిలుపుకుంటుంది. ఈ పరిస్థితి పాదాల వాపుకు కారణమవుతుంది. అదనంగా పెరిగిన హృదయ స్పందన, శ్వాసలోపం, బలహీనత, అలసట, ఆకలి లేకపోవడం మొదలైన లక్షణాలు కూడా కనిపించవచ్చు.

కాలేయ సమస్యలు అల్బుమిన్ అనే ప్రోటీన్ మీ రక్తనాళాల నుండి రక్తం ప్రవహించకుండా నిరోధిస్తుంది. కొన్నిసార్లు కాలేయం అల్బుమిన్ తయారీని ఆపివేస్తుంది. శరీరంలో ఈ ప్రోటీన్ లోపం ఉంటుంది. ఇది ధమనుల నుండి రక్తం కారడానికి కూడా కారణమవుతుంది. ఈ పరిస్థితి మీ పాదాలలో వాపుకు కారణమవుతుంది. కామెర్లు, యూరిన్ రంగు మారడం, శారీరక అలసట మొదలైన లక్షణాలు ఉంటాయి.

చెమట కారణమవుతుంది శరీరంలోని చెమట ద్వారా శరీరంలోని విషాన్ని, బ్యాక్టీరియాను తొలగిస్తుంది. ఈ వ్యవస్థ సరిగా పని చేయనప్పుడు, శరీరంలో టాక్సిన్స్ పేరుకుపోతాయి. ఈ పరిస్థితి చేతులు లేదా పాదాల వాపుకు దారితీస్తుంది. అప్పుడప్పుడు రెండు చేతులు లేదా రెండు పాదాలలో వాపు వస్తుంది.

Also Read: Tharagathi Gadi Daati Movie Review: ఆహాలో విడుదలైన తరగతి గది దాటి.. ఎలా ఉందంటే..

Radhe Shyam: రాధేశ్యామ్ నుంచి ఇంట్రెస్టింగ్ అప్‏డేట్.. అందుకే  ఆ స్పెషల్ షూట్ చేస్తున్నారా ?