Amaltas Benefits For Health: రేల చెట్టు మీ ఇంట్లో ఉంటే అనేక ప్రయోజనాలు..అనారోగ్య సమస్యలను తగ్గిస్తుంది..
మన ఇంటి పరిసరాల్లో ఉండే చెట్లు మనసుకు ఎంతో ప్రశాంతతనిస్తాయి. ఇంట్లో చెట్లు ఉండడం వలన ఆరోగ్యానికి అనేక ప్రయోజనాలుంటాయి
మన ఇంటి పరిసరాల్లో ఉండే చెట్లు మనసుకు ఎంతో ప్రశాంతతనిస్తాయి. ఇంట్లో చెట్లు ఉండడం వలన ఆరోగ్యానికి అనేక ప్రయోజనాలుంటాయి. తులసి.. వేప.. మందరా వంటి చెట్లు ఆరోగ్యానికి మేలు చేస్తాయి. సీజనల్ వ్యాధులను తగ్గించడంలోనూ ఈ చెట్లు బెస్ట్. అయితే రేల చెట్టు గురించి తెలుసా.. ఈ చెట్టు ఇళ్లలో ఉండడం చాలా అరుదుగా చూస్తుంటాం. రోడ్డుపై నడుస్తున్నప్పుడు లేదా పార్కులలో ఈ చెట్లు కనిపిస్తాయి. రేల పువ్వులు రోడ్డుపై పసుపు తివాచి పరిచినట్లుగా కనిపిస్తాయి. కేవలం చూడటానికి అందగానే కాకుండా.. ఆరోగ్యానికి అనేక ప్రయోజనాలను కలిగిస్తాయి.
రేల చెట్టు ఆయుర్వేదంలో ఔషధ వృక్షంగా ఉపయోగిస్తారు. ఈ చెట్టు పువ్వులు, ఆకులు మాత్రమే కాకుండా.. బెరడు, కాండం కూడా ఆరోగ్యానికి మేలు చేస్తాయి. గజ్జి, దురద, అలెర్జీ వంటి చర్మ సమస్యలను తగ్గించడానికి రేల చెట్టు సహాయపడుతుంది. బీన్స్ లాగా ఉండే ఈ రేల పండ్లను పేస్ట్ గా చేసి గజ్జి, దురద ఉన్న చోట అప్లై చేయాలి. రోగ నిరోధక శక్తిని పెంచడంలో కూడా ఈ రేల చెట్టు మంచి పాత్ర పోషిస్తుంది. ఈ చెట్టు బెరడులో యాంటీ ఆక్సిడెంట్ లక్షణాలు పుష్కలంగా ఉంటాయి. రోగ నిరోదక శక్తిని పెంచడమే కాకుండా.. సీజనల్ వ్యాధుల ప్రభావాన్ని తగ్గిస్తుంది.
రేల పువ్వులు చర్మాన్ని మెరిసేలా చేస్తాయి. వీటిని గ్రైండ్ చేసి ఆ పేస్ట్ ను ముఖంపై అప్లై చేయడం వలన చర్మంపై ఉన్న మచ్చలు, టానింగ్ తొలగిపోతాయి. కీళ్ల నొప్పులు తగ్గించడంలో రేల ఉపయోగపడుతుంది. రోజూ ఈ రేల ఆకులను తీసుకోవడం వలన కీళ్ల నొప్పులు.. వాపుల నుంచి ఉపశమనం లభిస్తుంది. మధుమేహాన్ని నియంత్రించడంలో రేల బెరడు చాలా సహాయపడుతుంది. ఇందుకోసం అమల్టా్స్ చెట్టు బెరడు సారాన్ని తయారుచేసి తినవచ్చు. ఈ సారం ఇన్సులిన్ ను నియంత్రిస్తుంది. ఇది చక్కర స్థాయిని నియంత్రిస్తుంది.
Bheemla Nayak: వికారాబాద్ అడవుల్లో భీమ్లానాయక్ చిత్ర యూనిట్.. పవన్ కోసం సందడి చేస్తున్న ఫ్యాన్స్
Pushpa: థియేటర్లలో అదరగొడుతున్న ‘పుష్ప’ రాజ్.. బన్నీ సినిమాకి సంబంధించిన 9 అద్భుతాలు ఇవే!
