Helath Care Tips: వర్షాకాలంలో మీ చిన్నారులను దోమ కాటు నుంచి రక్షించడానికి సహజమైన చిట్కాలు మీకోసం
దోమ కుడితే.. పిల్లల్లో కొన్నిసార్లు దద్దుర్లుతో పాటు గడ్డలా కనిపిస్తుంది. కొన్ని సార్లు దద్దుర్లు శరీరం వాపు వంటి లక్షణాలను కూడా గమనించవచ్చు. దీనిని నివారించడానికి, సహజ దోమల నివారణ చర్యలకు ప్రాధాన్యత ఇవ్వాలి
Updated on: Sep 09, 2022 | 5:18 PM
Helath Care Tips: వర్షాకాలంలో సీజనల్ వ్యాధుల బారిన తరచుగా పడుతుంటారు. ముఖ్యంగా దోమల వల్ల వచ్చే చికన్గన్యా, డెంగ్యూ, మలేరియా, జ్వరాలు వంటి వ్యాధుల సంఖ్య ఏటా పెరుగుతోంది. ప్రత్యేకించి పిల్లలు, శిశువులు ఎక్కువగా వ్యాధి బారిన పడుతున్నారు. ఎందుకంటే వారు బయట ఆడుకుంటారు. అంతేకాదు చిన్నారులు తమంతట తాముగా దోమల కాటు నుంచి తమని తాము రక్షించుకోలేరు. అందువల్ల.. వర్షాకాలంలో పిల్లల కోసం ఆట స్థలాన్ని ఎన్నుకునేటప్పుడు లేదా ఇండోర్ కేర్ తీసుకునేటప్పుడు తల్లిదండ్రులు అప్రమత్తంగా ఉండాలి. సాధారణంగా, పిల్లలలో దోమ కాటు చర్మంపై కనిపించవచ్చు లేదా కాటు తర్వాత దురద కారణంగా అసౌకర్యంగా అనిపించే వరకు గమనించకపోవచ్చు. దోమల నుండి మీ పిల్లలను రక్షించడానికి తగిన చర్యలు చేపట్టాలి.
పిల్లలలో దోమల కాటు లక్షణాలు: దోమ కుట్టిన తర్వాత ఒక చిన్న ఎర్రటి బంప్ ఏర్పడుతుంది. తరువాత నొప్పి , దురద వస్తుంది. దద్దురు ముదురు రంగులోకి మారుతుంది లేదా కాలక్రమేణా గట్టిగా మారుతుంది. కీటకాలు కాటు దోమ కాటు లాగా కనిపిస్తాయి. ఎర్రటి గడ్డ లేదా దురద దోమ కాటు లేదా మరొక కీటకం వల్ల సంభవించిందో లేదో తెలియదు. కనుక జాగ్రత్తగా ఉండాలి.
దోమ కాటు అలెర్జీ: దోమ కుడితే.. పిల్లల్లో కొన్నిసార్లు దద్దుర్లుతో పాటు గడ్డలా కనిపిస్తుంది. కొన్ని సార్లు దద్దుర్లు శరీరం వాపు వంటి లక్షణాలను కూడా గమనించవచ్చు. దీనిని నివారించడానికి, సహజ దోమల నివారణ చర్యలకు ప్రాధాన్యత ఇవ్వాలి. శిశువుకు ఆరు నెలలు దాటిన తర్వాత మాత్రమే చర్మంపై చిట్కాలు గురించి తెలుసుకుందాం.
దోమ కాటు నుండి శిశువును రక్షించడానికి చిట్కాలు: దోమ కాటు తర్వాత దురద ఏర్పడుతుంది.. ఈ సమస్య, ఇది కొన్ని గంటలు లేదా అంతకంటే ఎక్కువ కాలం పాటు ఉంటుంది. ఇది శిశువుకు, తల్లిదండ్రులకు చికాకు కలిగిస్తుంది. శిశువులు, చిన్నపిల్లలకు దోమలు కుట్టినప్పుడు.. ఆ ప్రదేశంలో గోకడం ఆపడం చాలా కష్టం. అంతేకాదు లోతైన గీతలు, చర్మం పై ర్యాషెస్ రావడం వాటిని ఏర్పడతాయి.
నివారణ చర్యలు:
1. దోమలు నివాసం ఉండే నీటి చెరువులు, తోటలు, ఇతర ఆట స్థలాలు వంటి ప్రాంతాలకు పిల్లలను పంపడం మానుకోండి. 2. తలుపులు , కిటికీలను తగిన సమయంలో మూసివేయడం ద్వారా మీ ఇంటి నుండి దోమలు, కీటకాలనుంచి రక్షించుకోండి. 3. చేతులు పూర్తిగా కవర్ చేసుకునే విధంగా టాప్లు/షర్టులు, ఫుల్ ప్యాంట్లు లేదా లెగ్గింగ్ల వంటి తగిన దుస్తులు ధరించండి. పిల్లలను ఆరుబయటకి పంపే ముందు లేదా ఇంటి లోపల ఉండే ముందు తగిన మొత్తంలో క్రీమ్స్ రాయండి. 4. పిల్లలు నిద్రించే సమయంలో దోమలను దూరంగా ఉంచడానికి దోమతెరను ఉపయోగించండి. 5. ఇంటి తలుపులు, కిటికీలకు దోమలు రాకుండా వలలు అమర్చవచ్చు.. ముఖ్యంగా మీరు సాయంత్రం కిటికీలు తెరిచి ఉంచాలని ప్లాన్ చేస్తే.. మీ పిల్లలను బయటికి వెళ్లనివ్వకుండా జాగ్రత్త వహించండి. 6. బయట తింటున్నట్లయితే.. ముఖ్యంగా రాత్రిపూట బహిరంగ రెస్టారెంట్లను నివారించండి. దోమ కాటుకు తక్కువ అవకాశం ఉన్న ఇండోర్ హోటల్లు, రెస్టారెంట్లకు వెళ్లండి.
దోమ కాటునుంచి రక్షణ చర్యలు 1. దోమ కుట్టిన ప్రాంతాన్ని శుభ్రం చేయడానికి సబ్బు, నీటిని ఉపయోగించండి. 2. వాపును తగ్గించడానికి.. ఆ ప్రాంతంలో కోల్డ్ ప్యాక్ వేయండి. 3. దురదను తగ్గించడానికి, డాక్టర్తో సంప్రదించిన తర్వాత ఓవర్-ది-కౌంటర్ యాంటీ దురద లేదా యాంటిహిస్టామైన్ లేపనం అప్లై చేయండి.
దోమ కాటు వేస్తే వైద్యుడిని ఎప్పుడు సంప్రదించాలంటే? సాధారణంగా, దోమ కాటునుంచి కొన్ని గంటల్లోనే ఉపశమనం లభిస్తుంది. అయితే దురద చాలా రోజుల పాటు ఉన్నా.. లేదా ప్రభావిత ప్రాంతం ఎక్కువసేపు ఉబ్బి ఉంటే, మీరు వైద్యుడిని సంప్రదించాలి. అంతేకాదు.. పిల్లల్లో కీళ్ల నొప్పులు లేదా తలనొప్పి, జ్వరం, విరేచనాలు , వాంతులు లేదా దద్దుర్లు వంటి కొన్ని ఇతర లక్షణాలు కనిపిస్తే.. వెంటనే వైద్యుడిని సంప్రదించాలి. శిశువులో లక్షణాలను అంచనా వేయడం కొన్నిసార్లు కష్టంగా ఉండవచ్చు.. అయితే శిశువుని వెంటనే వైద్యుని వద్దకు తీసుకుని వెళ్ళాలి.
మరిన్ని హెల్త్ వార్తల కోసం ఇక్కడ క్లిక్ చేయండి..
Note:( ఈ కథనంలో పేర్కొన్న పద్ధతులు టీవీ9 నిర్ధారించలేదు. పాఠకులు వీటిని సూచనలుగా మాత్రమే తీసుకోండి. చికిత్స/మందు/ఆహారం అనుసరించే ముందు ఆరోగ్య నిపుణులను లేదా వైద్యులను సంప్రదించి, సరైన నిర్ణయం తీసుకోవాల్సి ఉంది)
