Heart Problems: ఈ లక్షణాలు కనిపిస్తే మీ శరీరంలో కొలెస్ట్రాల్‌ పెరుగుతున్నట్లే..!

Heart Problems: ఈ లక్షణాలు కనిపిస్తే మీ శరీరంలో కొలెస్ట్రాల్‌ పెరుగుతున్నట్లే..!

Heart Problems: గత కొన్నేళ్లుగా గుండె సంబంధిత వ్యాధుల కేసులు పెరుగుతున్నాయి. వారిలో గుండెపోటు, గుండె ఆగిపోవడం చాలా సాధారణం. గుండె జబ్బులు రావడానికి ..

Subhash Goud

|

May 13, 2022 | 11:29 AM

Heart Problems: గత కొన్నేళ్లుగా గుండె సంబంధిత వ్యాధుల కేసులు పెరుగుతున్నాయి. వారిలో గుండెపోటు, గుండె ఆగిపోవడం చాలా సాధారణం. గుండె జబ్బులు రావడానికి ప్రధాన కారణం శరీరంలో కొలెస్ట్రాల్ స్థాయి పెరగడం. వైద్యుల తెలిపిన వివరాల ప్రకారం.. శరీరంలో రెండు రకాల కొలెస్ట్రాల్ ఉంటుంది . ఒకటి మంచిది (HDL), మరొకటి చెడు కొలెస్ట్రాల్ (LDL). శరీరంలో చెడు కొలెస్ట్రాల్ స్థాయి పెరిగినప్పుడు, అది గుండె కణాలలో కొవ్వు పేరుకుపోవడానికి దారితీస్తుంది. దీని వల్ల రక్త ప్రసరణలో ఇబ్బంది ఏర్పడుతుంది. దానివల్ల గుండెపోటు వస్తుంది. అయినప్పటికీ, శరీరం చాలా ముందుగానే కొలెస్ట్రాల్‌ను పెంచే సంకేతాలను ఇవ్వడం ప్రారంభిస్తుంది. కొలెస్ట్రాల్ పెరగడం లక్షణాలు ఏమిటో ఇప్పుడు తెలుసుకుందాం.

సరైన జీవనశైలి లేనప్పుడు, చెడు ఆహారపు అలవాట్ల వల్ల శరీరంలో చెడు కొలెస్ట్రాల్ (ఎల్ డీఎల్) స్థాయి పెరుగుతుందని ఢిల్లీలోని రాజీవ్ గాంధీ ఆస్పత్రి కార్డియాలజీ విభాగానికి చెందిన డాక్టర్ అజిత్ జైన్ వివరిస్తున్నారు. కొన్ని సందర్భాల్లో, అధిక కొలెస్ట్రాల్ కలిగి ఉండటం జన్యుపరమైన కారణాల వల్ల కూడా కావచ్చు. ఎవరికైనా ఊబకాయం, రక్తపోటు సమస్య ఉంటే. అలాగే మీకు స్మోకింగ్ లేదా డ్రింకింగ్ అలవాటు ఉంటే, మీరు జాగ్రత్తగా ఉండాలి. అటువంటి వ్యక్తులలో కొలెస్ట్రాల్ గణనీయంగా పెరుగుతుంది. దీని కారణంగా వారికి గుండె జబ్బులు వచ్చే అవకాశాలు ఎక్కువే.

చాలా మందికి తమ శరీరంలో చెడు కొలెస్ట్రాల్ స్థాయి పెరిగిందని గుర్తించరు. దీని లక్షణాలు కనిపించినా ప్రజలు పట్టించుకోకుండా ఉంటారు. ఆ తర్వాత వారి పరిస్థితి విషమంగా మారి గుండెపోటు వస్తుంది. అనేక సందర్భాల్లో ఇది స్ట్రోక్, కార్డియాక్ అరెస్ట్‌కు కూడా దారి తీస్తుంది. అటువంటి పరిస్థితిలో ఈ లక్షణాలు శరీరంలో కనిపిస్తే వెంటనే వైద్యులను సంప్రదించడం చాలా ముఖ్యం.

 శరీరంలో చెడు కొలెస్ట్రాల్‌ పెరిగితే కనిపించే లక్షణాలు:

☛ గోర్లు పసుపు రంగులో మారడం

☛ ఊపిరి ఆడకపోవడం

☛ అధిక రక్త పోటు

☛ పాదాల నొప్పి లేదా వాపు

☛ ఛాతి నొప్పి

☛ వికారం

☛ కాళ్లల్లో తిమ్మిరిలు

ఇలా నియంత్రించండి:

ఆహారంలో జాగ్రత్తలు తీసుకోవడం, రోజూ వ్యాయామం చేయడం ద్వారా కొలెస్ట్రాల్ స్థాయిని అదుపులో ఉంచుకోవచ్చని డాక్టర్లు చెబుతున్నారు.దీనితో పాటు, ఆహారంలో తగినంత ప్రోటీన్, విటమిన్లు ఉండటం కూడా అవసరం. ఆయిల్ ఫుడ్స్, స్పైసీ ఫుడ్స్ కి దూరంగా ఉండండి. వేయించిన, అధిక కొవ్వు పదార్ధాలను తినవద్దు. వీధి ఆహారాన్ని తినడం మానుకోండి. మీ కొలెస్ట్రాల్ స్థాయిని క్రమం తప్పకుండా తనిఖీ చేయండి.

మరిన్ని హెల్త్ వార్తల కోసం ఇక్కడ క్లిక్ చేయండి

Follow us on

Related Stories

Most Read Stories

Click on your DTH Provider to Add TV9 Telugu