Onion Side Effects: ఉల్లిపాయ ఆరోగ్యానికి ఉపకారమే కాదు.. అపకారమూ చేస్తోంది.. తప్పక తెలుసుకోవాల్సిన విషయాలు..
ప్రతి రోజు మనం తినే ఆహారంలో కూరగాయలతో పాటు ఉల్లిపాయను కలుపి వంట చేస్తాం. ఉల్లిపాయ ఆరోగ్యానికి చాలా మేలు చేస్తుందనే విషయం అందరికీ తెలిసిందే. అయితే, ఇది కొన్ని ప్రతికూల ప్రభావాలను కూడా చూపుతుందని మీకు తెలుసా?.
Updated on: Apr 21, 2023 | 7:33 AM
ప్రతి రోజు మనం తినే ఆహారంలో కూరగాయలతో పాటు ఉల్లిపాయను కలుపి వంట చేస్తాం. ఉల్లిపాయ ఆరోగ్యానికి చాలా మేలు చేస్తుందనే విషయం అందరికీ తెలిసిందే. అయితే, ఇది కొన్ని ప్రతికూల ప్రభావాలను కూడా చూపుతుందని మీకు తెలుసా?. ఉల్లిపాయలో సోడియం, పొటాషియం, ఫోలేట్లు, విటమిన్లు ఎ, సి మరియు ఇ, కాల్షియం, మెగ్నీషియం, ఐరన్ మరియు ఫాస్పరస్ కంటెంట్ పుష్కలంగా ఉంటుంది. అలాగే యాంటీ ఇన్ఫ్లమేటరీ, యాంటీ అలెర్జీ, యాంటీ ఆక్సిడెంట్ మరియు యాంటీ కార్సినోజెనిక్ లక్షణాలు కూడా ఉన్నాయి. ఉల్లిపాయ దాని బహుళ గుణాల కారణంగా సూపర్ఫుడ్గా పిలువబడుతుంది. ముందుగా ఉల్లిపాయతో ప్రయోజనాలు తెలుసుకుందాం..
గుండెకు మంచిది..
ఉల్లిపాయల్లో ఫ్లేవనాయిడ్లు ఉంటాయి. ఇది చెడు కొలెస్ట్రాల్ను తగ్గించడంలో సహాయపడుతుంది. ఉల్లిపాయలలోని థియోసల్ఫైట్స్ రక్తాన్ని స్థిరీకరించడంలో పని చేస్తుంది. దీని కారణంగా, గుండెపోటు లేదా ఏదైనా రకమైన గుండె జబ్బులు వచ్చే ప్రమాదం చాలా తక్కువ.
క్యాన్సర్..
క్యాన్సర్స్ కణాలను నియంత్రించడంలో ప్రయోజనకరమైనది ఉల్లిపాయ. దాని బహుళ లక్షణాల వల్ల క్యాన్సర్తో పోరాడడంలో ప్రభావవంతంగా ఉంటుంది. ఇందులో సల్ఫర్ ఉండటం వల్ల కణాల సరైన పెరుగుదలకు పనిచేస్తుంది.
జుట్టు..
ఉల్లిపాయ జుట్టు తిరిగి పెరగడానికి, జుట్టును బలోపేతం చేయడానికి కూడా ఉపయోగిస్తారు. ఇది యాంటీ బాక్టీరియల్, యాంటీ ఫంగల్, యాంటీఆక్సిడెంట్. జుట్టు ఒత్తుగా ఉండేందుకు ఉల్లిపాయను ఉపయోగిస్తారని నిపుణులు చెబుతున్నారు. ఇది జుట్టులో చుండ్రును కూడా తగ్గిస్తుంది.
ఉల్లిపాయ తినడం వల్ల కలిగే నష్టాలివే..
1. పచ్చి ఉల్లిపాయలను ఎక్కువగా తీసుకుంటే, అది ఎసిడిటీ, వికారం, కడుపు నొప్పి వంటి సమస్యలను కలిగిస్తుంది. మీరు గ్యాస్ సమస్యతో బాధపడుతున్నట్లయితే ఉల్లిపాయ తినకుండా ఉండాలి.
2. రక్తంలో చక్కెర స్థాయి తక్కువగా ఉంటే, చక్కెర స్థాయి మరింత తగ్గే అవకాశం ఉన్నందున ఉల్లిపాయ తినడం మానేయాలి. ఇది మూర్ఛ కలిగిస్తుంది. అలాంటి రోగులు వైద్యుల సలహా తీసుకోవాలి.
3. గర్భిణీ స్త్రీలు కూడా తినవద్దు. గర్భిణీ స్త్రీలకు గ్యాస్, గుండెల్లో మంట, వాంతులు వంటి సమస్యలు ఉండవచ్చు. ఇది నేరుగా కడుపులో పెరుగుతున్న శిశువుపై ప్రభావం చూపుతుంది. అందుకే ఉల్లిపాయను నేరుగా తినకుండా ఉండాలి.
4. ఉల్లిపాయలను ఎక్కువగా తినడం రక్తపోటును ప్రభావితం చేస్తుంది. తక్కువ రక్తపోటు ఉన్నవారు ఉల్లిపాయలు తింటే అది మరింత తగ్గుతుంది. అందుకే తక్కువ రక్తపోటు ఉన్నవారు ఉల్లిపాయలు తినకుండా ఉండాలి.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి..
