Tea Side Effects: ఇవి తిన్న తర్వాత ఎప్పుడూ టీ తాగవద్దు.. చాలా ప్రమాదం..

Tea Side Effects: ఫుడ్‌ కాంబినేషన్‌లో చాలామంది కొన్ని తప్పులు చేస్తారు. ఇవి ఆరోగ్యానికి చాలా హానికరం. కొంతమంది టీ తాగిన తర్వాత కొన్నిరకాల ఆహార

Tea Side Effects

uppula Raju | Edited By: Anil kumar poka

Updated on: Apr 24, 2022 | 8:16 AM

Tea Side Effects: ఫుడ్‌ కాంబినేషన్‌లో చాలామంది కొన్ని తప్పులు చేస్తారు. ఇవి ఆరోగ్యానికి చాలా హానికరం. కొంతమంది టీ తాగిన తర్వాత కొన్నిరకాల ఆహార పదార్థాలని తింటారు. ఇలా చేయడం ఆరోగ్యానికి చాలా ప్రమాదకరం. టీ రుచి బాగానే ఉంటుంది. కానీ దాని సైడ్‌ ఎఫెక్ట్స్‌ చాలా ఘోరంగా ఉంటాయి. టీ తీసుకోవడం వల్ల మలబద్ధకం, అజీర్ణం సమస్యల బారిన పడుతారు. పరగడుపున టీ తాగడం వల్ల అసిడిటీ వస్తుంది. కొన్ని పదార్థాలు తిన్న తర్వాత టీ తీసుకోకపోవడం మంచిది. అలాంటి కొన్నింటి గురించి తెలుసుకుందాం.

చల్లటి పదార్థాలు తిన్న తర్వాత టీ తాగకూడదు

చల్లటి పదార్థాలు తిన్న తర్వాత టీ తాగడం వల్ల జీర్ణవ్యవస్థపై చెడు ప్రభావం ఉంటుంది. గ్యాస్, అజీర్ణం, మలబద్ధకం వంటి సమస్యలు ఏర్పడుతాయి. అంతే కాదు దంతాల ఆరోగ్యంపై చెడు ప్రభావం చూపుతుంది. నిజానికి చల్లటి పదార్థాలు తిన్న తర్వాత వేడి టీ తాగడం వల్ల దంతాలు జలదరిస్తాయి. అలాగే చిగుళ్లు బలహీనపడవచ్చు. మీరు ఏదైనా చల్లటి ఆహారాలు తిన్న తర్వాత టీ తాగాలనుకుంటే అరగంట గ్యాప్ తీసుకోండి.

నిమ్మరసం తాగిన తర్వాత టీ తాగకూడదు

బరువు తగ్గాలనుకునే వారు ఉదయాన్నే వేడినీటిలో నిమ్మరసం కలుపుకొని తాగుతారు. అయితే దీని తర్వాత టీ తాగడం తప్పు. నిపుణుల అభిప్రాయం ప్రకారం.. ఇది ఉబ్బరం, ఆమ్లత్వం కలిగిస్తుంది. జీర్ణవ్యవస్థపై చెడు ప్రభావాన్ని చూపుతుంది. నిమ్మకాయలో ఉండే యాసిడ్, టీ కలయిక కడుపుని దెబ్బతీస్తుంది. మిమ్మల్ని అనారోగ్యానికి గురి చేస్తుంది.

పకోడి తిన్న తర్వాత టీ తాగకూడదు

చాలా సార్లు ప్రజలు ఇంట్లో తయారుచేసిన చిరుతిండిని ఎక్కువగా ఉపయోగిస్తారు. కొంతమంది పకోడీలు తిన్న వెంటనే టీ తాగడానికి ఇష్టపడతారు. శనగపిండితో చేసిన వాటిని తిన్న తర్వాత టీ తాగడం వల్ల జీర్ణవ్యవస్థపై చెడు ప్రభావం ఉంటుంది. శనగపిండితో చేసిన పదార్థాలు తిన్న 40 నిమిషాల తర్వాత టీ తాగితే మంచిది.

ఆకలిగా ఉన్నప్పుడు టీ తాగకూడదు

మనలో కొంత మంది ఆకలిగా ఉన్నప్పుడు టీ తాగుతుంటారు. దీనివల్ల ఆకలి వెంటనే తగ్గిపోతుంది. అయితే ఖాళీ కడపుతో టీ తాగితే హృదయ స్పందన రేటులో మార్పు చోటు చేసుకుంటుంది. దీనికి కారణంగా టీ పౌడర్‌లో ఉండే కెఫిన్‌ శరీరంలో చాలా వేగంగా కరిగిపోతుంది. దీంతో రక్తపోటు ఒక్కసారిగా పెరుగుతుంది. ఇది హృదయంపై ప్రభావం చూపుతుంది. ఇది కాలక్రమేణా హృదయ సంబంధిత సమస్యలకు దారి తీస్తుంది.

గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.

మరిన్ని హెల్త్‌ వార్తల కోసం ఇక్కడ క్లిక్ చేయండి