ఈ లక్షణాలు కనిపిస్తే అస్సలు లైట్ తీసుకోవద్దు.. వెంటనే వైద్యుడిని సంప్రదించండి

శరీరంలోని అనేక రకాల వ్యాధుల లక్షణాలు నోటిలో మొదటగా కనిపిస్తాయి. నోటిలో చిన్నచిన్న మార్పులు వచ్చాయంటే.. శరీరంలో ఏదో తేడా జరుగుతోంది అని భావించాలి. ఈ మార్పులను గమనిస్తే పెద్ద వ్యాధులను ముందే గుర్తించడానికి అవకాశం ఉంటుంది. ఆరోగ్య పరిరక్షణలో ఇది ఒక మంచి అడుగు.

నోటిలో ఉండే సూక్ష్మజీవులు మొదటగా దంతాలను ప్రభావితం చేస్తాయి. ఆ తరువాత చిగుళ్లపై ప్రభావం చూపుతాయి. నోటిలో పెరిగిన సూక్ష్మజీవులు శరీరంలోకి చొచ్చుకుపోతాయి. తర్వాత అవి రక్తనాళాల్లోకి చేరి శరీరంలోని ఇతర భాగాల్లోనూ వ్యాధులు పెంచుతాయి. అందుకే నోటిని శుభ్రంగా ఉంచడం చాలా అవసరం.

మధుమేహం ఉన్నవారు ఎక్కువగా చిగుళ్ల సమస్యలతో బాధపడతారు. షుగర్ ఎక్కువగా ఉండడం వల్ల చిగుళ్లలో వ్యాధులు త్వరగా వ్యాప్తి చెందుతాయి. చిగుళ్లు నొప్పి రావడం, దంతాలు నెమ్మదిగా వదులుగా మారడం జరుగుతుంది. దీనివల్ల దంతాలను కోల్పోయే అవకాశం కూడా ఉంటుంది.

పేగు వ్యాధులు, శ్వాసకోశ సమస్యలు, గుండె సంబంధిత జబ్బులు నోటి ఆరోగ్యానికి బలమైన సంబంధం కలిగి ఉంటాయి. నోటిలో వ్యాధి లక్షణాలు కనిపిస్తే శరీరంలోని ఇతర అవయవాలలో కూడా సమస్యలు మొదలై ఉంటాయని భావించాలి. అందుకే నోటిలో మార్పులు కనిపిస్తే సాధారణంగా తీసిపారేయకుండా డాక్టర్‌ను సంప్రదించాలి.

కొంతమందికి తరచుగా నోరు పొడిబారడం కనిపిస్తుంది. నాలుకకి అంటుకున్నట్టు అనిపిస్తుంది. నోటిలో చికాకు ఎక్కువగా ఉంటుంది. ఇది చిన్న సమస్యలా కనిపించినా.. అసలు సమస్యకు ఇది ముఖ్యమైన సంకేతం కావచ్చు. నోటిలో తేమ తగ్గిపోతే నోటిలోని సూక్ష్మజీవులు పెరుగుతాయి.

సాధారణ పరిస్థితుల్లో లాలాజలం నోటిని శుభ్రంగా ఉంచుతుంది. లాలాజలం వల్ల నోటిలో ఉన్న హానికరమైన సూక్ష్మజీవులు తొలగిపోతాయి. కానీ లాలాజలం సరిపోకపోతే దంతాలు వదులుగా మారే అవకాశం ఉంటుంది. ఇది తర్వాతి దశలో దంతాలు తొలగిపోవడానికి కారణం అవుతుంది.

నోటిలో వ్యాధి లక్షణాలు కనిపిస్తే వాటి మూల కారణం తెలుసుకొని చికిత్స చేయాలి. ఈ సమస్యలను చిన్నవిగా తీసుకోకూడదు. ఎందుకంటే చిన్నచిన్న లక్షణాలు కూడా పెద్ద సమస్యలకు దారి తీసే అవకాశం ఉంటుంది. ఆరోగ్యాన్ని నిర్లక్ష్యం చేస్తే తీవ్ర సమస్యలు ఎదుర్కోవాల్సి వస్తుంది.

నోటి ఆరోగ్యాన్ని కాపాడుకోవడానికి పుష్కలంగా నీరు తాగడం చాలా మంచిది. నీరు తాగడం వల్ల నోటిలో తేమ పెరుగుతుంది. లాలాజల ఉత్పత్తి బాగా జరుగుతుంది. ఇది దంతాలను ఆరోగ్యంగా ఉంచడంలో సహాయపడుతుంది. రోజుకు కనీసం 8 గ్లాసుల నీరు తాగడం మంచిది. ఇది నోటి ఆరోగ్యాన్ని కాపాడటమే కాదు మొత్తం శరీర ఆరోగ్యాన్ని కూడా మెరుగుపరచుతుంది.