ఫటాఫట్ తాగుతున్నారా.. మందు బాబులకు బిగ్ అలర్ట్.. ఇది తెలుసుకోకపోతే మీ కొంప కొల్లేరే..

తక్కువ సమయంలోనే ఎక్కువగా మద్యం సేవించడం వల్ల కాలేయమే కాకుండా పేగులు కూడా దెబ్బతింటాయని హార్వర్డ్ నివేదిక తెలిపింది. హార్వర్డ్ మెడికల్ స్కూల్ అధ్యయనం ప్రకారం.. తక్కువ సమయంలో ఎక్కువ మొత్తంలో ఆల్కహాల్ తీసుకోవడం వల్ల ప్రేగులపై హానికరమైన ప్రభావం ఉంటుంది.. దీనివల్ల వాపు వస్తుంది. తక్కువ సమయంలో ఎక్కువ ఆల్కహాల్ తీసుకోవడం వల్ల ప్రేగులకు హాని కలుగుతుందని ఒక అధ్యయనం సూచిస్తుంది. దీనిని సాధారణంగా బింజ్ డ్రింకింగ్ అని పిలుస్తారు.. అంటే మహిళలు రెండు గంటల్లో నాలుగు పానీయాలు లేదా పురుషులు ఐదు పానీయాలు తాగడం.. అధ్యయనం ప్రకారం, అలాంటి ఒక బింజ్ కూడా గట్ లైనింగ్‌ను బలహీనపరుస్తుంది. బ్యాక్టీరియా – టాక్సిన్‌లను రక్తప్రవాహంలోకి ప్రవేశించకుండా నిరోధించే గట్ సామర్థ్యాన్ని తగ్గిస్తుంది. ఈ పరిస్థితిని “లీకీ గట్” అని పిలుస్తారు. దీని అర్థం గట్‌లో చిన్న లీక్‌లు అభివృద్ధి చెందుతాయి. హానికరమైన పదార్థాలు శరీరంలోకి ప్రవేశించడానికి అనుమతిస్తాయి.

ఆల్కహాల్ పేగులను ఎలా దెబ్బతీస్తుంది..

హార్వర్డ్ మెడికల్ స్కూల్‌లో మెడిసిన్ ప్రొఫెసర్, అధ్యయనం ప్రధాన రచయిత గ్యోంగీ జాబో మాట్లాడుతూ.. “దీర్ఘకాలిక అధిక మద్యపానం పేగులు, కాలేయాన్ని దెబ్బతీస్తుందని ఇప్పటికే తెలుసు, కానీ ప్రారంభంలోనే, అంటే మొదటి అతిగా తాగిన తర్వాత ప్రేగులలో ఏ మార్పులు సంభవిస్తాయో స్పష్టంగా తెలియలేదు. స్వల్పకాలిక అధిక మద్యపానం కూడా పేగులలో మంటను కలిగిస్తుందని, దాని రక్షణ పొరను బలహీనపరుస్తుందని ఈ అధ్యయనం చూపించింది. ఇది ఆల్కహాల్ సంబంధిత పేగు, కాలేయ వ్యాధుల ప్రారంభం కావచ్చు.” అన్నారు.

మద్యం తాగడం వల్ల ప్రేగులపై ప్రభావం..

అమెరికాలోని హార్వర్డ్ మెడికల్ స్కూల్, బెత్ ఇజ్రాయెల్ డీకనెస్ మెడికల్ సెంటర్ బృందం అధిక మద్యం సేవించడం వల్ల ప్రేగులకు ఎలా నష్టం వాటిల్లుతుంది.. చివరిసారి తాగిన తర్వాత ఈ నష్టం ఎందుకు ఎక్కువ కాలం ఉంటుంది అనే దానిపై దర్యాప్తు చేసింది. దీని కోసం, తక్కువ వ్యవధిలో ఎక్కువ మొత్తంలో మద్యం సేవించడం వల్ల ప్రేగులోని వివిధ భాగాలపై ఎలాంటి ప్రభావం చూపుతుందో వారు పరిశీలించారు. తక్కువ వ్యవధిలో అధిక మద్యం సేవించడం కూడా పేగులకు హాని కలిగిస్తుందని ఫలితాలు చూపించాయి.

పేగులు ఎలా దెబ్బతింటాయి..

దీనివల్ల పేగు పొరలో కొన్ని రక్షణ కణాలు పేరుకుపోతాయి. ఈ కణాలు సాధారణంగా శరీరంలో సూక్ష్మక్రిములతో పోరాడటానికి రిజర్వ్ చేయబడతాయి. వాటిలో న్యూట్రోఫిల్స్ అని పిలువబడే రోగనిరోధక కణాలు ఉంటాయి. ఈ కణాలు NET లు అని పిలువబడే వల లాంటి నిర్మాణాలను విడుదల చేయగలవు. ఈ NET లు చిన్న ప్రేగు పైభాగాన్ని దెబ్బతీస్తాయి.. దాని గోడను బలహీనపరుస్తాయి. దీనివల్ల పేగు లీకైపోతుంది, విషపదార్థాలు రక్తప్రవాహంలోకి ప్రవేశిస్తాయి.

పేగులు ఎలా దెబ్బతింటాయి..

శాస్త్రవేత్తలు ఈ NET లను ఒక సాధారణ ఎంజైమ్‌తో నిరోధించినప్పుడు.. పేగు పొరలోని రోగనిరోధక కణాల సంఖ్య తగ్గడం, బ్యాక్టీరియా పెరుగుదల తగ్గడం గమనించారు. దీని అర్థం ఎంజైమ్ పేగులను దెబ్బతినకుండా రక్షించడంలో సహాయపడింది. మొత్తంమీద, ఈ అధ్యయనం తక్కువ వ్యవధిలో అప్పుడప్పుడు కూడా ఎక్కువ ఆల్కహాల్ తాగడం అనారోగ్యకరమని సూచిస్తుంది. ఎందుకంటే ఇది పేగులను బలహీనపరుస్తుంది.. ఇంకా వాపు, ఇతర సమస్యలను ప్రేరేపిస్తుంది.