Weight Gain Diet: సన్నగా ఉన్నవారు బరువు పెరగాలంటే ఇవి తినండి..! ఈ ఫుడ్ డైట్ మీకోసమే..!

శరీర బలం అనేది ఎక్కువగా కండరాల మీద ఆధారపడి ఉంటుంది. కండరాలు బలహీనంగా ఉంటే శరీరం కూడా బలహీనంగానే కనిపిస్తుంది. అందుకే మంచి ప్రోటీన్‌ తో కూడిన ఆహారం తీసుకోవాలి. గుడ్లు, చికెన్, చేపలు, పాల ఉత్పత్తులు వంటివి తినడం వల్ల శరీరానికి కావలసిన ప్రోటీన్ అందుతుంది. ఇవి కండరాల నిర్మాణాన్ని మెరుగుపరుస్తాయి. శరీరానికి శక్తిని పెంచుతాయి.

సన్నగా ఉన్నవారు రాత్రిపూట ప్రోటీన్ అధికంగా ఉండే ఆహారం తీసుకోవడం మంచిది. ఉదాహరణకు మినప్పప్పు, పెసరపప్పు లేదా పన్నీర్‌ తో చేసిన కూరలను భోజనంలో చేర్చుకోవడం ద్వారా కండరాల పటుత్వం పెరుగుతుంది. నిద్ర సమయంలో శరీర కణాల మరమ్మత్తుకు ప్రోటీన్ చాలా ఉపయోగపడుతుంది.

బాదం, ఖర్జూరం, అంజీర్ లాంటి డ్రై ఫ్రూట్స్‌ లో పోషకాలు చాలా ఎక్కువగా ఉంటాయి. ఇవి శరీరానికి అవసరమైన శక్తిని అందించడంతో పాటు.. ఆరోగ్యంగా బరువు పెరగడంలో సహాయపడతాయి. రోజూ 5 నుంచి 6 బాదం, 2 నుంచి 3 ఖర్జూరాలు, 2 అంజీర్ తినడం వల్ల మంచి ఫలితం ఉంటుంది.

పాలు తాగడం శరీర బలానికి ఎంతో మేలు చేస్తుంది. ఇందులో ప్రోటీన్, కాల్షియం, విటమిన్ డి ఉంటాయి. పాలతో పాటు మఖానా కలిపి తాగితే శరీర బలం పెరుగుతుంది. వీటిని స్నాక్‌ లుగా కూడా తినవచ్చు.

బీన్స్ అంటే శరీరానికి బలాన్నిచ్చే మంచి ఆహార పదార్థాలు అని చెప్పొచ్చు. ఇందులో ప్రోటీన్, ఫైబర్, కార్బోహైడ్రేట్లు సరైన పాళ్లలో ఉంటాయి. ఇది ఆరోగ్యంగా బరువు పెరిగేందుకు సహాయపడుతుంది. రాగులు, నువ్వులు, మినుములు వంటి బీన్స్‌ ను వాడటం మంచిది.

పాలలో ఎండుద్రాక్షను నానబెట్టి రాత్రిపూట తీసుకుంటే బరువు పెరుగుతారు. ఎండుద్రాక్షలో సహజ చక్కెర, ఐరన్, యాంటీఆక్సిడెంట్లు ఉంటాయి. ఇవి రక్తంలో హిమోగ్లోబిన్ స్థాయిని పెంచడంతో పాటు శరీరానికి శక్తిని ఇస్తాయి. సన్నగా ఉండే వారు తప్పనిసరిగా తమ ఆహారాన్ని సరి చూసుకోవాలి. రోజూ తగిన మోతాదులో పోషకాలతో నిండిన ఆహారం తీసుకుంటే ఆరోగ్యంగా బరువు పెరగవచ్చు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)