అమితాబ్‌ లుక్‌కు ఆ జర్నలిస్ట్ ఫొటోనే ఇన్‌స్పిరేషనా..!

బాలీవుడ్ మెగాస్టార్‌ అమితాబ్‌ బచ్చన్, ఆయుష్మాన్‌ ఖురానా ప్రధాన పాత్రల్లో తెరకెక్కిన చిత్రం గులాబో సితాబో. కరోనా లాక్‌డౌన్ సందర్భంగా థియేటర్లు అన్నీ మూసేసి ఉండటంతో.. ఈ సినిమాను ఆన్‌లైన్‌లో డైరెక్ట్‌గా రిలీజ్‌ చేస్తున్నారు. వచ్చే నెల 12న గులాబో సితాబో సినిమా అమెజాన్‌ ప్రైమ్‌లో విడుదల కాబోతోంది. కాగా ఇందులో బాగా వయసొచ్చిన వృద్ధుడిగా అమితాబ్‌ కనిపించనున్నారు. ఇక ఈ మూవీకి సంబంధించిన ట్రైలర్ కూడా రెండు రోజుల క్రితం విడుదల కాగా సినిమాపై ఆసక్తిని […]

  • Tv9 Telugu
  • Publish Date - 6:03 pm, Sun, 24 May 20
అమితాబ్‌ లుక్‌కు ఆ జర్నలిస్ట్ ఫొటోనే ఇన్‌స్పిరేషనా..!

బాలీవుడ్ మెగాస్టార్‌ అమితాబ్‌ బచ్చన్, ఆయుష్మాన్‌ ఖురానా ప్రధాన పాత్రల్లో తెరకెక్కిన చిత్రం గులాబో సితాబో. కరోనా లాక్‌డౌన్ సందర్భంగా థియేటర్లు అన్నీ మూసేసి ఉండటంతో.. ఈ సినిమాను ఆన్‌లైన్‌లో డైరెక్ట్‌గా రిలీజ్‌ చేస్తున్నారు. వచ్చే నెల 12న గులాబో సితాబో సినిమా అమెజాన్‌ ప్రైమ్‌లో విడుదల కాబోతోంది. కాగా ఇందులో బాగా వయసొచ్చిన వృద్ధుడిగా అమితాబ్‌ కనిపించనున్నారు. ఇక ఈ మూవీకి సంబంధించిన ట్రైలర్ కూడా రెండు రోజుల క్రితం విడుదల కాగా సినిమాపై ఆసక్తిని పెంచింది.

ఇదిలా ఉంటే ఈ సినిమాలో అమితాబ్‌ లుక్‌ తాను తీసిన ఓ వృద్ధుడి ఫొటో ఒకేలా ఉన్నాయని ఓ జర్నలిస్ట్ సోషల్ మీడియాలో పోస్ట్ చేశారు. ఆ ఫొటోను తాను గతేడాది జనవరిలో ఢిల్లీలో తీశానని వివరించారు. ఇక తాను తీసిన ఈ ఫొటో కేరళలో జాయ్‌ థామస్‌ అనే బ్యాంకర్‌ని ఇన్‌స్పైర్ చేసిందని.. దానికి ఆయన స్కెచ్‌ వేసి ఇచ్చారని తెలిపారు. అంతేకాదు అమితాబ్‌ లుక్‌, తాను తీసిన ఫొటో ఒకేలా ఉన్నాయని జాయ్‌ థామస్ తనకు చెప్పారని పేర్కొన్నారు.

Read This Story Also: చికెన్ కూర పెట్టలేదని.. క్వారంటైన్‌లో ఆశా వర్కర్‌పై దాడి..!