Varun Tej: యదార్థ సంఘటనల నేపథ్యంలో వరుణ్‌ తేజ్‌ కొత్త చిత్రం.. చిన్న వీడియోతో పెద్ద సప్సెన్స్‌..
Varun Tej: ఎఫ్‌3 సినిమా విజయంతో ఈ ఏడాది భారీ విజయాన్ని ఖాతాలో వేసుకున్నారు మెగా హీరో వరుణ్‌ తేజ్‌. అయితే ఇదే ఏడాదిలో గని రూపంలో పరాజయాన్ని సైతం మూటగట్టుకున్నారు. ఈ నేపథ్యంలో..
Updated on: Sep 18, 2022 | 2:33 PM
Varun Tej: ఎఫ్‌3 సినిమా విజయంతో ఈ ఏడాది భారీ విజయాన్ని ఖాతాలో వేసుకున్నారు మెగా హీరో వరుణ్‌ తేజ్‌. అయితే ఇదే ఏడాదిలో గని రూపంలో పరాజయాన్ని సైతం మూటగట్టుకున్నారు. ఈ నేపథ్యంలో తన తర్వాతి చిత్రంపై దృష్టిసారించిన ఈ యంగ్‌ హీరో మరో ఆసక్తికర కథాంశంతో ప్రేక్షకులకు ముందుకు వచ్చేందుకు సిద్ధమవుతున్నారు. ఇందులో భాగంగానే తాజాగా శనివారం చిత్ర యూనిట్ వరుణ్‌ 13వ చిత్రానికి సంబంధించి ఓ చిన్న వీడియోను రిలీజ్‌ చేసింది.
ఈ వీడియోలో అసలు విషయం ఏంటో చెప్పకపోయినా.. మూవీపై ఇంట్రెస్టింగ్‌ కలిగించేలా చేసింది. ఈ వీడియోలో వరుణ్‌ తేజ్‌ సినిమా స్క్రిప్ట్‌ చదువుతున్నట్లు కనిపిస్తుంటారు.. చివరల్లో స్క్రిప్ట్‌ బుక్‌పై ఓ ఎయిర్‌ క్రాఫ్ట్‌ బొమ్మని ఉంచి వెళుతారు.. ఆ తర్వాత విమానం టేకాఫ్‌ శబ్దం రావడం వంటివి సినిమా కథాంశం ఏంటన్న దానిపై ఆసక్తిని పెంచేశాయి. వీటి బట్టిని చూస్తే ఈ సినిమా యుద్ధం లేదా ఆకాశానికి సంబంధించి ఉన్నట్లు తెలుస్తోంది. ఈ సినిమాకు ప్రవీణ్ సత్తారు దర్శకత్వం వహిస్తున్నట్లు తెలుస్తోంది. ఈ చిత్రాన్ని పాన్ ఇండియా సినిమా తెరకెక్కించనున్నారని టాక్.
Touch the sky with Glory!??#VT13 pic.twitter.com/FJ12cm40gR
— Varun Tej Konidela (@IAmVarunTej) September 17, 2022
అంతేకాకుండా ఈ వీడియోను ట్విట్టర్‌లో పోస్ట్ చేసిన వరున్‌ తేజ్‌.. ‘ఆకాశాన్ని తాకేందుకు’ అనే క్యాప్షన్‌తో పోస్ట్ చేయడంతో ఈ సినిమా కచ్చితంగా విమానయానం లేదా యుద్ధానికి సంబంధించింది అయి ఉండొచ్చని అభిమానులు అంచనాల వేస్తున్నారు. ఇక ఈ సినిమా అభినందన్ వర్ధమాన్ జీవిత కథ ఆధారంగా తెరకెక్కనుందనే చర్చ కూడా జరుగుతోంది. ఈ సినిమాకు సంబంధించి చిత్ర యూనిట్ మరో అప్‌డేట్‌ను సెప్టెంబర్‌ 19న విడుదల చేయనున్నట్లు తెలిపింది. యదార్థ సంఘటనల ఆధారంగా తెరకెక్కుతున్నట్లు ప్రకటించిన ఈ సినిమాకు సంబంధించిన వివరాలు తెలియాలంటే రేపటి వరకు (సోమవారం) వేచి చూడాల్సిందే.
మరిన్ని సినిమా వార్తల కోసం క్లిక్ చేయండి..
