Raj Tarun: జీవితంలో పెళ్లి చేసుకోను.. పిల్లలు వద్దు.. రాజ్ తరుణ్ షాకింగ్ కామెంట్స్..

రాజ్ తరుణ్ కెరీర్ సాఫీగా సాగుతుందనుకున్నారు. కానీ ఆ తర్వాతే అతడి సినిమాలు డిజాస్టర్ అయ్యాయి. నెమ్మదిగా హిట్స్ కంటే ఎక్కువగా ప్లాపులే పలకరించాయి. ఇక కొన్నాళ్లు సినిమాలకు దూరంగా ఉండిపోయాడు. చాలా కాలం తర్వాత ఈ ఏడాది నాగార్జున నటించిన నా సామిరంగ సినిమాతో రీఎంట్రీ ఇచ్చారు. ఇందులో కీలకపాత్రలో కనిపించాడు.

Raj Tarun

Rajitha Chanti |
Updated on: Apr 24, 2024 | 8:54 AM

షార్ట్స్ ఫిల్మ్స్ చేసిన కుర్రాడు ఇప్పుడు ఇండస్ట్రీలో మంచి క్రేజ్ ఉన్న యంగ్ హీరో. ఒకప్పుడు యూట్యూబ్ స్టార్ గా గుర్తింపు తెచ్చుకున్న రాజ్ తరుణ్ ఉయ్యాల జంపాల సినిమాతో హీరోగా వెండితెరకు పరిచయమయ్యాడు. మొదటి సినిమాతోనే మంచి హిట్ టాక్ సొంతం చేసుకున్నాడు. ఆ తర్వాత అతడి సినిమాలు బాక్సాఫీస్ వద్ద హిట్ అవుతాయనుకున్నారు. అదే సమయంలో రాజ్ తరుణ్ నటించిన మరో రెండూ మూడు చిత్రాలు కూడా సూపర్ హిట్ అయ్యాయి. దీంతో రాజ్ తరుణ్ కెరీర్ సాఫీగా సాగుతుందనుకున్నారు. కానీ ఆ తర్వాతే అతడి సినిమాలు డిజాస్టర్ అయ్యాయి. నెమ్మదిగా హిట్స్ కంటే ఎక్కువగా ప్లాపులే పలకరించాయి. ఇక కొన్నాళ్లు సినిమాలకు దూరంగా ఉండిపోయాడు. చాలా కాలం తర్వాత ఈ ఏడాది నాగార్జున నటించిన నా సామిరంగ సినిమాతో రీఎంట్రీ ఇచ్చారు. ఇందులో కీలకపాత్రలో కనిపించాడు.

ఆ సినిమాతో మరోసారి హిట్ అందుకున్నాడు. ఇక ఇప్పుడు తిరగబడరా సామీ, భలే ఉన్నాడే, పురుషోత్తముడు సినిమాల్లో నటిస్తున్నాడు. ప్రస్తుతం ఈ చిత్రాలన్ని శరవేగంగా షూటింగ్ జరుపుకుంటున్నాయి. ఈ క్రమంలోనే తాజాగా ఓ ఇంటర్వ్యూలో రాజ్ తరుణ్ మాట్లాడుతూ తన పెళ్లి గురించి షాకింగ్ కామెంట్స్ చేశారు. ఇందుకు సంబంధించిన వీడియో ఇప్పుడు నెట్టింట వైరలవుతుంది.

“జీవితంలో పెళ్లి మాత్రం చేసుకోవద్దు అని డిసైడ్ అయ్యాను. నాకు పెళ్లి, పిల్లలు వద్దు. ఇప్పుడు సింగిల్ గా సంతోషంగా ఉన్నాను. పెళ్లి విషయంలో మా నాన్న నా ఇష్టం అంటున్నారు. అమ్మ మాత్రం మొదట్లో అడిగింది. కానీ ఇప్పుడు నా ఇష్టం అని వదిలేసింది” అంటూ చెప్పుకొచ్చింది. ఇప్పట్లో పెళ్లి అనే ఆలోచనలు మాత్రం లేవని తేల్చేశాడు. ప్రస్తుతం రాజ్ తరుణ్ వయసు 31 సంవత్సరాలు. ఇప్పుడిప్పుడే తిరిగి సినిమాల్లో బిజీ అవుతున్నాడు. ఉయ్యాలా జంపాలా తర్వాత రాజ్ తరుణ్ నటించిన సినిమా చూపిస్తా మావ, కుమారి 21 ఎఫ్ చిత్రాలు సూపర్ హిట్ అయ్యాయి.