SSMB 29: ఇండస్ట్రీని షేక్ చేయడానికి రెడీ అయిన రాజమౌళి.. మహేష్ సినిమాలో లేడీ విలన్‌గా స్టార్ హీరోయిన్

సూపర్ స్టార్ మహేష్ బాబు సినిమా థియేటర్స్ లోకి రావడానికి ఇంకో మూడు నాలుగేళ్లు పడుతుంది. మహేష్ ప్రస్తుతం తన కొత్త ప్రాజెక్ట్ కోసం సిద్ధమవుతున్న సంగతి తెలిసిందే. డైరెక్టర్ రాజమౌళి దర్శకత్వం వహించనున్న ఈ సినిమాపై ఇప్పటికే భారీ అంచనాలు నెలకొన్నాయి. ఈ సినిమా ఎప్పుడెప్పుడు వస్తుందా.. అని ప్రేక్షకులు వేయికళ్లతో ఎదురుచూస్తున్నారు. బాహుబలి, ఆర్ఆర్ఆర్ సినిమాల విజయం తర్వాత జక్కన మరోసారి భారీ బడ్జెట్ సినిమాను రూపొందించేందుకు సిద్ధమయ్యాడు. ఈ సినిమాకు ఇంకా టైటిల్ ఫిక్స్ చేయలేదు. ఆఫ్రికా అడవుల నేపథ్యంలో సాగే కథతో ఈ చిత్రాన్ని తెరకెక్కించనున్నారని తెలుస్తుంది. అలాగే ఈ సినిమాలో మహేష్ బాబు కొత్త లుక్ లో కనిపించనున్నాడు. కొన్నాళ్లుగా ఈసినిమా కోసం ప్రత్యేక శిక్షణ తీసుకుంటున్నారు మహేష్ బాబు. తన లుక్, మేకోవర్ పూర్తిగా మార్చేశారు.

SSMB 29 అనే వర్కింగ్ టైటిల్‏తో రాబోతున్న ఈ సినిమాకు సంబంధించిన కొన్ని అప్డేట్స్ ఇప్పటికే సోషల్ మీడియాలో వైరల్ గా మారాయి. త్వరలోనే ఈ మూవీ రెగ్యులర్ షూటింగ్ ప్రారంభంకానుంది. ఇక ఈ సినిమాలో ఇండోనేషియా నటి చెల్సియా ఎలిజబెత్ ఇస్లాన్ కథానాయికగా నటించనున్నట్లు ప్రచారం జరిగింది. కాగా ఇప్పుడు గ్లోబల్ బ్యూటీ ప్రియాంక చోప్రా హీరోయిన్ గా ఫిక్స్ అయ్యింది. అయితే ఈ సినిమాను జక్కన్న నెక్స్ట్ లెవల్ లో ప్లాన్ చేస్తున్నాడని తెలుస్తుంది.

ఈ సినిమాలో హీరోతోపాటు ప్రియాంక పాత్రకు సైతం ప్రాధాన్యత ఉంటుందని..ఆ పాత్రకు ఆమె న్యాయం చేయగలదని చిత్రయూనిట్ భావిస్తున్నట్లు తెలుస్తోంది. కాగా ప్రియాంక ఈ సినిమాలో లేడీ విలన్ గా నటిస్తుందని టాక్ వినిపిస్తుంది. ఆమె పాత్రను మునుపెన్నడూ చూడని విధంగా రాజమౌళి రూపుదిద్దుతున్నారని తెలుస్తుంది. ఈ సినిమాలో ప్రియాంక పవర్‌ఫుల్ యాక్షన్ సీన్స్‌లో కనిపించనుందని అంటున్నారు. ఈ సినిమాలోని కొన్ని సన్నివేశాలను కెన్యా అడవుల్లో చిత్రీకరించనున్నారు. అలాగే ఈ సినిమా నుంచి ఎలాంటి లీక్స్ బయటకు రాకుండా జక్కన్న జాగ్రత్త పడుతున్నారు. ఒక్క ఫోటో కానీ, వీడియో కానీ బయటకు రాకుండా కొన్ని కండీషన్స్ పెట్టారట రాజమౌళి.

View this post on Instagram

A post shared by Priyanka (@priyankachopra)

మరిన్ని సినిమా వార్తల కోసం ఇక్కడ క్లిక్ చేయండి