Vijay Deverakonda: ఈఎంఐల్లో ఐఫోన్ కొంటున్నారా? అయితే ఒక్కసారి హీరో విజయ్ మాటలు వినండి

టాలీవుడ్ రౌడీ బాయ్, హీరో విజయ్ దేవరకొండ నటిస్తోన్న లేటెస్ట్ సినిమా ‘రణబాలి’. గతంలో విజయ్ తో కలిసి ట్యాక్సీవాలా వంటి సూపర్ హిట్ సినిమాను తెరకెక్కించిన డైరెక్టర్ రాహుల్ సాంకృత్యాన్ ఈ సినిమాను తెరకెక్కిస్తున్నాడు. నేషనల్ క్రష్ రష్మిక మందన్నా హీరోయిన్ గా చేస్తోంది. ఇప్పటికే అన్ని హంగులు పూర్తి చేసుకున్న ఈ పీరియాడికల్ యాక్షన్ థ్రిల్లర్ దసరా కానుకగా ప్రపంచ వ్యాప్తంగా ప్రేక్షకుల ముందుకు రానుంది. ఈ నేపథ్యంలో రణబాలి సినిమా ప్రమోషన్లలో విస్తృతంగా పాల్గొంటున్నారు విజయ్- రష్మిక. వరుసగా ఇంటర్వ్యూలు చేస్తున్నారు. ఈ క్రమంలోనే ఇటీవల ఓ ఇంటర్వ్యూలో విజయ్‌ దేవరకొండకు తన స్మార్ట్‌ఫోన్‌ గురించి ఆసక్తికరమైన ప్రశ్న ఎదురైంది. టీమిండియా క్రికెటర్ విరాట్‌ కోహ్లీ వంటి స్టార్ సెలబ్రిటీలు కూడా కొత్త మోడళ్లు వచ్చినా పాత ఐ ఫోన్లనే ఉపయోగిస్తున్న విషయాన్ని యాంకర్‌ ప్రస్తావించారు. ‘ మీరు కూడా మంచి సంపాదన ఉన్న నటుడే కదా.. మరి కొత్త ఐఫోన్‌ ఎందుకు కొనలేదు’ అని విజయ్‌ని ప్రశ్నించారు. దీనికి విజయ్‌ ఆసక్తికర సమాధానం ఇచ్చారు. ‘ ప్రస్తుతం నా దగ్గర ఉన్న ఫోన్ బాగానే పని చేస్తోంది. అది ఇప్పుడు నా అవసరాలను తీర్చుతున్నప్పుడు కొత్త ఫోన్‌ కొనాల్సిన అవసరం ఏముంది. అయినా పెద్ద హీరోలు, ప్రముఖులకు పలు సంస్థలు ఫోన్లు, గ్యాడ్జెట్లు, ఇతర ఖరీదైన వస్తువులను బహుమతులుగా ఇస్తుంటాయి. అందుకే సెలబ్రిటీలు ఉపయోగించే ప్రతి వస్తువును వారు సొంత డబ్బుతో కొనుగోలు చేస్తారని భావించకూడదు’ అని విజయ్ చెప్పుకొచ్చారు

ఇక ఐఫోన్ లాంటి ఖరీదైన వాటిని కొనుగోలు చేసి దాన్ని సోషల్‌ మీడియాలో చూపించుకోవాలనే ఆలోచనలపై కూడా విజయ్ ఆసక్తికర వ్యాఖ్యలు చేశారు. ‘ఇంటి ఖర్చులను కూడా సరిగా నిర్వహించలేని పరిస్థితుల్లో కేవలం స్టేటస్‌ సింబల్ కోసం అప్పు చేసి ఖరీదైన ఫోన్‌ కొనడం సరైన నిర్ణయం కాదు. నిజంగా అవసరమైతేనే డబ్బు ఖర్చు చేయవచ్చు. కానీ కేవలం ఇతరులకు చూపించుకోవడం కోసం అనవసరమైన వస్తువులు కొనుగోలు చేయకూడదు’ అని సందేశమిచ్చాడు విజయ్. ప్రస్తుతం ఈ టాలీవుడ్ హీరో కామెంట్స్ నెట్టింట వైరల్ గా మారాయి. ‘ఖరీదైన ఫోన్ల కోనుగోలు విషయంలో విజయ్ ఆలోచన కరెక్టే’ అని నెటిజన్లు విజయ్ కు మద్దతుగా నిలుస్తున్నారు.

ఇవి కూడా చదవండి

'దృశ్యం' ను మించి ట్విస్టులు.. OTTలో ఈ క్రైమ్ థ్రిల్లర్ చూశారా?

సింగీతం శ్రీనివాసరావు ఫ్యామిలీని చూశారా? వారసులు ఏం చేస్తున్నారంట

బిగ్‌బాస్ ఐదో వారం నామినేషన్స్‌లో ఉన్న కంటెస్టెంట్స్ వీళ్లే

'రామాయణ’ సెట్‌లో భారీ అగ్ని ప్రమాదం.. అసలేం జరిగిందంటే?

మరిన్ని సినిమా వార్తల కోసం ఇక్కడ క్లిక్ చేయండి