Ali: ఆలీకి డాక్టరేట్.. ఆ పదవి కూడా వస్తే మరింత సంతోషిస్తానంటూ కామెంట్..

కమెడియన్‌గా వేయికి పైగా సినిమాల్లో నటించి నవ్వించారు ఆలీ, కమెడియన్‌గానే కాకుండా హీరోగానూ సినిమాలు చేసి మెప్పించారు.

Ali

Rajeev Rayala |
Updated on: Dec 11, 2021 | 4:53 PM

Tollywood comedian Ali : కమెడియన్‌గా వేయికి పైగా సినిమాల్లో నటించి నవ్వించారు ఆలీ, కమెడియన్‌గానే కాకుండా హీరోగానూ సినిమాలు చేసి మెప్పించారు. సినిమాలో ఆలీ ఉన్నాడంట చాలు నవ్వులు వర్షం కురవడం ఖాయం. కొత్త కొత్త కమెడియన్లు చాలా మంది వస్తున్నప్పటికీ.. హీరోలే కామెడీ చేస్తున్న ఈ సమయంలోనూ ఆలీ కమెడియన్ గా ఆకట్టుకుంటున్నారు. ఇదిలా ఉంటే సుదీర్ఘ సినీ ప్రయాణంలో ఎన్నో అవార్డులు అందుకున్నఆలీకి తాజాగా మరో ఘనత దక్కింది. ఆలీకి కె.ఎల్.యు. యూనివర్సిటీ డాక్టరేట్ ను ప్రకటించింది. ఈ సందర్భంగా ఆలీ మాట్లాడుతూ.. కె.ఎల్.యు. యూనివర్సిటీ డాక్టరేట్ ప్రకటించడం ఆనందంగా ఉంది అన్నారు.

సొంత ఊరిలో(రాజమండ్రి ) ఉండగా ఈ డాక్టరేట్ రావడం మరింత సంతోషం కలిగించింది అన్నారు ఆలీ. 5 భాషల్లో 1124 సినిమాల్లో నటించాను.. అలాగే మీ నోటి వ్యాఖ్యాతో మంత్రి పదవి వస్తే మరింత ఆనందం అన్నారు. ప్రస్తుతం సినిమా రంగానికి సమస్యగా మారిన ఆన్ లైన్ టిక్కెట్లు విధానం, బెనెఫిట్ షో వివాదానికి త్వరలోనే పరిష్కారం లభిస్తుందని అభిప్రాయపడ్డారు ఆలీ. అలాగే ముఖ్యమంత్రి జగన్ మోహన్ రెడ్డి చాలా సానుకూలంగా ఉన్నారు. సమస్య పరిష్కారానికి హామీ కూడా ఇచ్చారు అని ఆలీ తెలిపారు. ముఖ్యమంత్రి జగన్మోహనరెడ్డి పరిపాలనా అద్భుతం. అన్ని వర్గాలకు సమన్యాయం చేకూర్చారు అని ప్రసంశించారు ఆలీ. ప్రస్తుతం ఆలీ సినిమాలతోపాటు టాక్ షోలు, అలాగే మరికొన్ని షోలకు జెడ్జ్ గా వ్యవహరిస్తున్నారు.

మరిన్ని ఇక్కడ చదవండి :