AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

India A vs Nepal: టాస్ గెలిచిన నేపాల్‌.. భారత్ బ్యాటింగ్

India A vs Nepal: రైజింగ్‌ స్టార్స్‌ ఆసియా కప్‌లో భారత్‌-నేపాల్‌ జట్లు తలపడనున్నాయి. తిలక్‌ వర్మ నాయకత్వంలోని భారత జట్టు ఈ మ్యాచ్‌తోనే టోర్నీలో తన ప్రయాణాన్ని ప్రారంభించనుంది. అభిషేక్‌ శర్మ, వైభవ్‌ సూర్యవంశీ, రింకూ సింగ్‌ వంటి ఆటగాళ్లు బరిలోకి దిగే అవకాశం ఉండటంతో అభిమానుల్లో ఆసక్తి నెలకొంది.

India A vs Nepal:  టాస్ గెలిచిన  నేపాల్‌.. భారత్ బ్యాటింగ్
India A, Nepal Cricket Team
Rakesh
|

Updated on: Nov 20, 2026 | 3:25 PM

Share

India A vs Nepal: రైజింగ్‌ స్టార్స్‌ ఆసియా కప్‌లో భారత్‌-నేపాల్‌ జట్లు తలపడనున్నాయి. తిలక్‌ వర్మ నాయకత్వంలోని భారత జట్టు ఈ మ్యాచ్‌తోనే టోర్నీలో తన ప్రయాణాన్ని ప్రారంభించనుంది. అభిషేక్‌ శర్మ, వైభవ్‌ సూర్యవంశీ, రింకూ సింగ్‌ వంటి ఆటగాళ్లు బరిలోకి దిగే అవకాశం ఉండటంతో అభిమానుల్లో ఆసక్తి నెలకొంది. రైజింగ్‌ స్టార్స్‌ ఆసియా కప్‌లో భాగంగా భారత్‌-నేపాల్‌ జట్ల మధ్య శుక్రవారం కీలక పోరు జరగనుంది. దోహాలోని వెస్ట్‌ ఎండ్‌ పార్క్‌ అంతర్జాతీయ క్రికెట్‌ స్టేడియం ఈ మ్యాచ్‌కు వేదిక.  ఈ మ్యాచులో మొదట నేపాల్ టాస్ గెలిచి బౌలింగ్ ఎంచుకుంది. భారత్ బ్యాటింగుకు దిగనుంది.

తిలక్‌ వర్మ నాయకత్వంలో బరిలోకి భారత్‌ ఏ జట్టు

ఈ టోర్నీలో భారత్‌ ఏ జట్టుకు తిలక్‌ వర్మ నాయకత్వం వహిస్తున్నాడు. రింకూ సింగ్‌ ఉపకెప్టెన్‌గా వ్యవహరించనున్నాడు. అభిషేక్‌ శర్మ, వైభవ్‌ సూర్యవంశీ, ప్రభ్‌సిమ్రన్‌ సింగ్‌, కుమార్‌ కుశాగ్ర, ఆయుష్‌ బదోని వంటి ఆటగాళ్లు జట్టులో ఉన్నారు. ఇటీవల భారత టీ20 జట్టులో చోటు దక్కించుకున్న అభిషేక్‌ శర్మపై కూడా అభిమానులు ప్రత్యేకంగా దృష్టి పెట్టారు. మరోవైపు యువ ఆటగాడు వైభవ్‌ సూర్యవంశీ తన బ్యాటింగ్‌తో మరోసారి ఆకట్టుకుంటాడా అన్నది ఆసక్తికరంగా మారింది.

వైభవ్‌ సూర్యవంశీపై ప్రత్యేక ఆసక్తి

కేవలం 15 ఏళ్ల వయసులోనే వైభవ్‌ సూర్యవంశీ తన ఆటతో క్రికెట్‌ అభిమానుల దృష్టిని ఆకర్షిస్తున్నాడు. అండర్‌-19, భారత్‌ ఏ జట్ల తరఫున అతడు కీలక ఇన్నింగ్స్‌లు ఆడాడు. శ్రీలంకలో జరిగిన త్రికోణ సిరీస్‌లో 29 బంతుల్లోనే 94 పరుగులు చేసి తన దూకుడైన బ్యాటింగ్‌ సత్తా చాటాడు. ఇటీవల సయ్యద్‌ ముస్తాక్‌ అలీ ట్రోఫీలో బిహార్‌ జట్టుకు నాయకత్వం వహించి వచ్చాడు. ఇప్పుడు అంతర్జాతీయ స్థాయి యువ ఆటగాళ్లతో కూడిన ఈ టోర్నీలో అతడి ప్రదర్శన ఎలా ఉంటుందో చూడాలి.

గ్రూప్‌ బిలో భారత్‌

భారత్‌ ఏ జట్టు గ్రూప్‌ బిలో ఉంది. ఈ గ్రూప్‌లో నేపాల్‌, పాకిస్థాన్‌ ఏ, యూఏఈ జట్లు కూడా ఉన్నాయి. గ్రూప్‌ ఏలో బంగ్లాదేశ్‌ ఏ, శ్రీలంక ఏ, అఫ్గానిస్థాన్‌ ఏ, హాంకాంగ్‌ జట్లు పోటీపడుతున్నాయి. ప్రతి గ్రూప్‌ నుంచి తొలి రెండు స్థానాల్లో నిలిచిన జట్లు సెమీఫైనల్‌కు అర్హత సాధిస్తాయి. నవంబర్‌ 26, 27 తేదీల్లో సెమీఫైనల్‌ పోటీలు జరగనుండగా, నవంబర్‌ 29న ఫైనల్‌ నిర్వహించనున్నారు. ఈ నేపథ్యంలో తొలి మ్యాచ్‌లోనే గెలిచి శుభారంభం చేయాలని తిలక్‌ వర్మ సేన భావిస్తోంది.

భారత్‌ ఏ జట్టు పూర్తి వివరాలు

తిలక్‌ వర్మ (కెప్టెన్‌), అభిషేక్‌ శర్మ, వైభవ్‌ సూర్యవంశీ, ప్రభ్‌సిమ్రన్‌ సింగ్‌, రింకూ సింగ్‌, కుమార్‌ కుశాగ్ర, సూర్యాంశ్‌ షెడ్గే, షాబాజ్‌ అహ్మద్‌, విప్రాజ్‌ నిగమ్‌, హర్ష్‌ దూబే, తనుష్‌ కొటియన్‌, హర్షిత్‌ రాణా, ప్రిన్స్‌ యాదవ్‌, అర్షద్‌ ఖాన్‌, ఆయుష్‌ బదోని.

మరిన్ని క్రీడా వార్తల కోసం ఇక్కడ క్లిక్ చేయండి..

Follow Us