Ram Pothineni: క్రేజీ మల్టీస్టారర్ ప్లాన్ చేస్తున్న మాస్ డైరెక్టర్.. రామ్ పోతినేని.. కొరటాల సినిమాలో తమిళ్ స్టార్ హీరో ?..

ఎనర్జిటిక్ స్టార్ రామ్ పోతినేని ప్రధాన పాత్రలో తెరకెక్కుతున్న లేటేస్ట్ చిత్రం ది వారియర్ (The Warriorr). ఈ సినిమాకు తమిళ్ డైరెక్టర్ లింగుస్వామి దర్శకత్వం వహిస్తుండగా.. కృతి శెట్టి హీరోయిన్‏గా నటిస్తోంది (Ram Pothineni). ఇప్పటికే ఈ సినిమా నుంచి విడుదలైన పోస్టర్స్, వీడియోస్ మూవీపై ఆసక్తిని క్రియేట్ చేయగా.. మరోవైపు ఈ మూవీ సాంగ్స్ యూట్యూబ్‏ను షేక్ చేస్తున్నాయి. తెలుగు, తమిళ భాషల్లో రూపొందిస్తున్న ఈ చిత్రాన్ని జూలై 14న ప్రేక్షకుల ముందుకు రానుంది. ఈ సినిమా తర్వాత రామ్ మాస్ డైరెక్టర్ బోయపాటి శ్రీను దర్శకత్వంలో ఓ సినిమా చేయబోతున్న సంగతి తెలిసిందే.

వీరిద్దరి కాంబోలో రాబోతున్న సినిమా గురించి ఇప్పటికే పలు అప్డేట్స్ నెట్టింట చక్కర్లు కొడుతున్నాయి.. తాజాగా క్రేజీ గాసిప్ ఫిల్మ్ సర్కిల్లో వినిపిస్తోంది.. ఈ మూవీలో తమిళ్ స్టార్ హీరో శివకార్తికేయన్ కూడా ప్రధాన పాత్రలో నటించనున్నాడట.. శివకార్తికేయన్, రామ్ పోతినేని కాంబోలో క్రేజీ మల్టీస్టారర్ తెరకెక్కించాలని ప్లాన్ చేస్తున్నాడట బోయపాటి.. అంతేకాదు.. ఈ చిత్రాన్ని పాన్ ఇండియా లెవల్లో విడుదల చేయనున్నాడటట.. ఎమోషనల్ యాక్షన్ ఎంటర్టైనర్ గా రాబోతున్న ఈ సినిమాలో రామ్, శివకార్తికేయన్ సరికొత్తగా కనిపించనున్నారని టాక్.. ఇటీవల అఖండ సినిమాతో బాక్సాఫీస్ వద్ద సంచలనం సృష్టించాడు బోయపాటి.. బాలకృష్ణ ప్రధాన పాత్రలో నటించిన ఈ మూవీ బ్లాక్ బస్టర్ హిట్ గా నిలిచింది.. ఇక ఇప్పుడు రామ్ పోతినేని, బోయపాటి కాంబోలో రాబోతున్న సినిమాపై అంచనాలు భారీగానే నెలకొన్నాయి..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.