Pushpa: పుష్ప కోసం అద్భుత‌మైన ఫైట్ సీన్ ప్లాన్ చేస్తున్న సుకుమార్‌.. ఇంత‌ వ‌ర‌కు ఎప్ప‌డూ చూడ‌ని విజువ‌ల్ ట్రీట్‌..

Pushpa: అల్లు అర్జున్ హీరోగా సుకుమార్ ద‌ర్శ‌క‌త్వంలో పుష్ప అనే సినిమా తెరకెక్కుతోన్న విష‌యం తెలిసిందే. పాన్ ఇండియా నేథ్యంగా తెర‌కెక్కుతోన్న ఈ సినిమాను ఎర్ర చంద‌నం స్మ‌గ్లింగ్ నేప‌థ్యంలో నిర్మిస్తున్నారు. ఇక ఈ సినిమా చిత్రీక‌ర‌ణ ప్రారంభ‌మైన నాటి నుంచి అంచ‌నాలు పెరుగుతూనే ఉన్నాయి. అల్లుఅర్జున్ మునుపెన్న‌డూ క‌నిపించ‌ని విధంగా మాస్ లుక్‌లో క‌నిపిస్తుండ‌డం ఈ సినిమా మ‌రో ప్ర‌త్యేక‌త‌. ఇక ఈ సినిమాకు సంబంధించి వ‌స్తోన్న ఏ చిన్న వార్త అయినా.. ఇప్ప‌డు టాక్ ఆఫ్ ది టౌన్‌గా మారుతోంది. తాజాగా ఇలాంటి ఓ వార్త వైర‌ల్‌గా మారింది. పుష్పా చిత్రాన్ని అత్యంత ప్ర‌తిష్టాత్మ‌కంగా తెర‌కెక్కిస్తోన్న ద‌ర్శ‌కుడు సుకుమార్ సినిమాలో యాక్ష‌న్ స‌న్నివేశాలు దండిగా ఉండేలా చూసుకుంటున్నాడు. ఇందులో భాగంగానే సుకుమార్ బోటులో జ‌రిగే ఫైట్‌ను చిత్రీక‌రించ‌నున్నార‌నేది స‌దరు వార్త సారంశం. ఇండియ‌న్ సినిమా చ‌రిత్ర‌లో ఇంత వ‌ర‌కు ఎవ‌రూ చూపించ‌ని విధంగా ఈ ఫైట్‌ను చూపించ‌నున్న‌ట్లు స‌మాచారం. ఇందుకోసం సుకుమార్ ఇప్ప‌టికే భారీగా ప్ర‌ణాళిక‌లు ర‌చిస్తునట్లు వార్త‌లు వ‌స్తున్నాయి. మ‌రి వీటిలో ఎంత వ‌ర‌కు నిజం ఉందో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచి చూడాల్సిందే. ఇదిలా ఉంటే మెజారిటీ షూటింగ్ జ‌రుపుకున్న ఈ సినిమాను రెండు భాగాలుగా విడుద‌ల చేయ‌నున్న విష‌యం తెలిసిందే. మ‌రి సుకుమార్, బ‌న్నీ కాంబినేష‌న్‌లో రానున్న ఈ మూడో చిత్రం ఎలాంటి వండ‌ర్స్ క్రియేట్ చేస్తుందో చూడాలి.

Also Read: sridhar babu pcc: తెలంగాణ కాంగ్రెస్ చీఫ్ పోస్ట్‌పై తన అభిప్రాయాన్ని కుండబద్దలు కొట్టిన శ్రీధర్ బాబు..

Telangana Corona Updates: తెలంగాణలో క్రమంగా తగ్గుముఖం పడుతున్న కరోనా.. 1,556 పాజిటివ్ కేసులు నమోదు..

Visakhapatnam: గాజువాకలో కొందరి బరితెగింపు.. పందుల కోసం ఏకంగా డంపింగ్ యార్డ్ గేట్ పగలగొట్టి..