Liger Movie: బీటౌన్‏లో మారుమోగుతున్న ‘లైగర్ ఆంథమ్ ర్యాప్ సాంగ్’.. చిత్రయూనిట్‏కు అంకితం చేసిన సింగర్..

మాస్ అండ్ డైనమిక్ డైరెక్టర్ పూరి జగన్నాథ్ తెరకెక్కిస్తోన్న లైగర్ (Liger) చిత్రంపై భారీగానే అంచనాలు నెలకొన్నాయి. టాలీవుడ్ రౌడీ హీరో విజయ్ (Vijay Deverakonda), బాలీవుడ్ బ్యూటీ అనన్య (Ananya Panday) జంటగా నటిస్తున్న ఈ సినిమా ఆగస్ట్ 25న పాన్ ఇండియా లెవల్లో గ్రాండ్‏గా విడుదల కాబోతుంది. ఇప్పటికే చిత్రయూనిట్ ప్రమోషన్లలో బిజీగా ఉండగా.. మరోవైపు లైగర్ సాంగ్స్ యూట్యూబ్‏ను షేక్ చేస్తున్నాయి. ఎప్పటికప్పుడు ఈ సినిమా నుంచి అప్డేట్స్ రిలీజ్ చేస్తున్న మేకర్స్ తాజాగా లైగర్ ఆంథమ్ ప్రైవేట్ ర్యాప్ సాంగ్ రిలీజ్ చేశారు. సింగర్ నిఖిలేష్ కుమార్ ఆలపించిన ఈ పాటను లైగర్ చిత్రయూనిట్ మొత్తానికి అంకితం చేస్తున్నట్లు తెలిపారు.

పూరి జగన్నాథ్, విజయ్ దేవరకొండ అభిమానులకు ప్రేమతో.. లైగర్ ఆంథమ్ ర్యాప్ సాంగ్ చిత్రయూనిట్ కు అంకితం అంటూ క్యాప్షన్ ఇచ్చారు. ఈ పాటను నిఖిలేష్ పాడడమే కాకుండా మ్యూజిక్ వీడియోకు దర్శకత్వం వహించాడు. ముంబై వీధులలో చాయ్ వాలాగా ఉన్న చిన్న కుర్రాడు బాక్సార్‏గా మారేందుకు తనను తాను ఎలా సిద్దం చేసుకున్నాడు..ఎలాంటి శిక్షణ తీసుకున్నాడు అనేది చూపిస్తూ తెరకెక్కించిన ఈ వీడియో సాంగ్‏కు ఇప్పుడు మంచి రెస్పాన్స్ వస్తుంది. బాక్సింగ్ నేపథ్యంలో రాబోతున్న ఈ మూవీలో విజయ్ బాక్సర్ గా కనిపించనున్నాడు. ఈ సినిమాతో విజయ్ బాలీవుడ్ అరంగేట్రం చేస్తున్నారు. ఇప్పటికే నార్త్ లో రౌడీ హీరో ఫాలోయింగ్ ఏ రెంజ్‏లో పెరిగిందో తెలిసిందే. రమ్యకృష్ణ, మైక్ టైసన్ కీలకపాత్రలలో నటిస్తున్న ఈ చిత్రాన్ని పూరి కనెక్ట్స్, ధర్మ ప్రొడక్షన్స్ బ్యానర్లపై పూరి, ఛార్మి, కరణ్ జోహార్ సంయుక్తంగా నిర్మిస్తున్నారు. ఇప్పటికే విడుదలైన ట్రైలర్ తో సినిమా బ్లాక్ బస్టర్ హిట్ అని చెప్పకనే చెప్పేశారు.

ఇదిలా ఉంటే..ఇప్పటికే విడుదలైన అక్డీ పక్డీ, ఆఫత్ , లైగర్ ఆంథమ్ సాంగ్స్ నెట్టింటిని షేక్ చేస్తున్నాయి. ఇక ఈ మూవీ నుంచి కోకా 2.0 అనే మూడవ పాటను ఆగస్ట్ 12న సాయంత్రం 4 గంటలకు విడుదల చేయనున్నట్లు చిత్రయూనిట్ ప్రకటించింది.

ఇవి కూడా చదవండి

Shruti Haasan: ‘ఇండస్ట్రీ కాదు..ఈ సమాజమే అలా ఉంది’.. షాకింగ్ కామెంట్స్ చేసిన శ్రుతిహాసన్..

Naga Chaitanya: ‘నా రిలేషన్ షిప్ స్టేటస్ ఇప్పటికీ అదే’.. చైతూ ఆన్సర్ వేరేలెవల్..

Bigg Boss 6: బిగ్‏బాస్ ఒక్క ఎపిసోడ్‏కు నాగ్ అన్ని కోట్లు తీసుకుంటున్నాడా ?.. వైరలవుతున్న న్యూస్..

Bigg Boss Season 6: బిగ్‏బాస్ 6లో ఎక్కువ రెమ్యునరేషన్ తీసుకుంటున్న సెలబ్రెటీలు వీళ్లేనా ?..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.