Bigg Boss 6: బిగ్‏బాస్ ఒక్క ఎపిసోడ్‏కు నాగ్ అన్ని కోట్లు తీసుకుంటున్నాడా ?.. వైరలవుతున్న న్యూస్..

బుల్లితెరపై బిగ్‏బాస్ రియాల్టీ షోకు ఉన్న ఆదరణ గురించి తెలిసిందే. ఇప్పటికే తెలుగులో ఈ షో ఐదు సీజన్లు విజయవంతంగా పూర్తిచేసుకుంది. ఇక ఇటీవలే బిగ్‏బాస్ (Bigg Boss 6) ఓటీటీ ప్లాట్ ఫాంలోనూ మంచి రెస్పాన్స్ వచ్చింది. ఇప్పుడు బుల్లితెరపై బిగ్‏బాస్ సీజన్ 6 సందడి మొదలు కానుంది. ఇప్పటికే వరుస ప్రోమోలు రిలీజ్ చేశారు మేకర్స్. సెప్టెంబర్ 4 నుంచి ఈ షో ప్రసారం కానున్నట్లు తెలిసిందే. మరోవైపు సోషల్ మీడియాలో కంటెస్టెంట్స్ లీస్ట్ చక్కర్లు కొడుతుంది. ఈసారి పది మంది అమ్మాయిలు ఉండగా.. తొమ్మిది మంది అబ్బాయిలు పాల్గోననున్నారు. అందులో ఫేమస్ సెలబ్రెటీలే కాకుండా యాంకర్స్, సీరియల్ యాక్టర్స్ కూడా ఉండనున్నారట.

మరోవైపు ఇప్పటికే షోకు సంబంధించిన అన్ని ఏర్పాట్లు పూర్తయ్యాయని తెలుస్తోంది. ఇక ఈసారి కూడా హోస్ట్ గా నాగార్జున వ్యవహరించనున్నట్లు ప్రోమోతో క్లారిటీ ఇచ్చేశారు మేకర్స్. అయితే బిగ్‏బాస్ ఒక్క ఎపిసోడ్ కోసం నాగ్ తీసుకునే రెమ్యునరేషన్ ఇప్పుడు హాట్ టాపిక్ గా మారింది. గత సీజన్ కోసం నాగార్జున ఏకంగా రూ. 12 కోట్లు తీసుకున్నాడని.. ఇప్పుడు సీజన్ 6 కోసం దాదాపు రూ. 14 నుంచి 15 కోట్లు తీసుకోబోతున్నాడని టాక్ వినిపిస్తోంది. గతంలో ఈ షో నుంచి నాగ్ తప్పుకున్నాడని.. హీరోయిన్ సమంత వ్యాఖ్యతగా వ్యవహరించనున్నట్లు వార్తలు చక్కర్లు కొట్టిన సంగతి తెలిసిందే.