Shruti Haasan: నాన్నది అలుపెరుగని పోరాటం.. కమల్ హాసన్ పై శ్రుతిహాసన్ ఇంట్రెస్టింగ్ కామెంట్స్..

కొన్ని వందల విభిన్నమైన పాత్రలలో నటించిన కమల్ ఇప్పటికీ బ్యాక్ టూ బ్యాక్ సినిమాలతో అలరిస్తున్నారు. ఇటీవలే విక్రమ్ సినిమాతో బ్లాక్ బస్టర్ హిట్ అందుకున్నారు. డైరెక్టర్ లోకేష్ కనగరాజ్ తెరకెక్కించిన ఈ సినిమా బాక్సాఫీస్ వద్ద సంచలనం సృష్టించిన సంగతి తెలిసిందే.

Shruti Haasan, Kamal Haasan

Rajitha Chanti |

Updated on: Aug 12, 2023 | 7:45 PM

కమల్ హాసన్.. ఈ పేరు తెలియని సినీ ప్రేక్షకుడు ఉండడు. సౌత్ టూ నార్త్ ఎంతో మంది అభిమానులను సంపాదించుకున్నారు కమల్. యూనివర్సిల్ స్టార్ 63 ఏళ్ల సినీ ప్రస్థానం పూర్తి చేసుకున్నారు. ఈ సందర్బంగా అభిమానులు పెద్ద ఎత్తున సోషల్ మీడియాలో సందడి చేస్తున్నారు. తమ అభిమాన హీరో రేర్ ఫోటోస్.. మూవీస్ నెట్టింట షేర్ చేస్తూ కమల్ కు విషెస్ తెలుపుతున్నారు. బాలనటుడిగా సినీ ప్రయాణం మొదలుపెట్టిన కమల్.. ఇప్పటికీ కొనసాగిస్తూనే ఉన్నారు. కొన్ని వందల విభిన్నమైన పాత్రలలో నటించిన కమల్ ఇప్పటికీ బ్యాక్ టూ బ్యాక్ సినిమాలతో అలరిస్తున్నారు. ఇటీవలే విక్రమ్ సినిమాతో బ్లాక్ బస్టర్ హిట్ అందుకున్నారు. డైరెక్టర్ లోకేష్ కనగరాజ్ తెరకెక్కించిన ఈ సినిమా బాక్సాఫీస్ వద్ద సంచలనం సృష్టించిన సంగతి తెలిసిందే.

ఇక తాజాగా కమల్ 63 ఏళ్ల సినీ ప్రస్థానం పూర్తి చేసుకోవడంతో ఆయనకు సంబంధించిన ఫోటోస్, వీడియోస్ సోషల్ మీడియాలో వైరలవుతున్నాయి. ఈ నేపథ్యంలో ఆయన కూతురు హీరోయిన్ శ్రుతి హాసన్ ఆసక్తికర పోస్ట్ చేసింది. తన తండ్రి సినీ ప్రయాణం అంత ఈజీగా సాగలేదని.. ఎన్నో ఒడిదుడుకులు ఎదుర్కొన్నారని.. ఎన్నో ఛాలెంజింగ్ పాత్రలు చేసే సమయంలో చాలాసార్లు ఇబ్బందులు ఎదుర్కొన్నారని తెలిపింది. అంతేకాకుండా సినీ పరిశ్రమ ఎదుగుదల కోసం తన వంతు కృషి చేశారని.. ఆరు దశాబ్దలుగా ఇండస్ట్రీకి సేవలు అందిస్తూనే ఉన్నారని పేర్కొంది. ఆయన చేసిన పాత్రలు మరెవ్వరు కూడా చేయలేరు అంటూ తన తండ్రి గురించి సోషల్ మీడియా వేదికగా షేర్ చేసింది శ్రుతి.

View this post on Instagram

A post shared by Shruti Haasan (@shrutzhaasan)

ఇదిలా ఉంటే… ఇటీవలే విక్రమ్ సినిమాతో సూపర్ హిట్ అందుకున్న కమల్.. ఇప్పుడు ఇండియన్ 2 చిత్రంలో నటిస్తున్నారు. పాన్ ఇండియా డైరెక్టర్ శంకర్ దర్శకత్వం వహిస్తున్న ఈ సినిమా షూటింగ్ చివరిదశకు చేరుకుంది. గతంలో వచ్చిన భారతీయుడు సినిమాకు సీక్వెల్ గా ఈమూవీని తీసుకువస్తున్నారు. ఈ సినిమానే కాకుండా.. ప్రస్తుతం ప్రభాస్, డైరెక్టర్ నాగ్ అశ్విన్ కాంబోలో రూపొందుతున్న కల్కి చిత్రంలోనూ కమల్ నటిస్తున్నారు. కొద్ది రోజుల క్రితం ఈ మూవీ సెట్ లో అడుగుపెట్టారు కమల్.