‘జెర్సీ’ హిందీ రీమేక్‌ : ఆ హీరో రూ.40 కోట్లు అడిగాడట!

తెలుగు సినిమాలు ఇప్పుడు బాలీవుడ్‌కు బాగా ఎక్స్‌పోర్ట్ అవుతున్నాయి. అక్కడి దర్శక, నిర్మాతలు మన మూవీస్‌ని రీమేక్ చేసేందుకు తెగ ఇంట్రస్ట్ చూపుతున్నారు. ఆ కోవలోకే  ‘జెర్సీ’ సినిమా వస్తుంది. ధర్మ ప్రొడక్షన్‌ బ్యానర్‌పై కరణ్‌ జోహార్‌ ఈ సినిమాను రీమేక్‌ చేయనున్నట్లు తెలుస్తోంది. ఇందులో బాలీవుడ్‌ నటుడు షాహిద్‌ కపూర్‌ను ఎంపికచేసుకోవాలని కరణ్‌ భావిస్తున్నారట. అయితే ‘కబీర్‌ సింగ్’ విజయంతో జోరు మీదున్న షాహిద్‌ ‘జెర్సీ’ రీమేక్‌లో నటించేందుకు ఒకటి కాదు రెండు కాదు ఏకంగా రూ.40 కోట్లు డిమాండ్‌ చేసినట్లు బాలీవుడ్‌ వర్గాల భోగట్టా. షాహిద్‌ ఇందుకు అర్హుడేనని భావించిన కరణ్‌ కూడా ఆయన అడిగినంత పారితోషికం ఇవ్వడానికి ఒప్పుకొన్నట్లు తెలుస్తోంది. కాగా ఇటీవలే షాహిద్ హీరోగా  ‘అర్జున్‌రెడ్డి’కి రీమేక్‌గా బాలీవుడ్‌లో వచ్చిన ‘కబీర్‌ సింగ్‌’ దాదాపు రూ.300 కోట్లు కొల్లగొట్టింది.