ఆర్మీ మేజర్ అజయ్‌కృష్ణ.. 7 మిలియన్ వ్యూస్‌తో ట్రెండింగ్

కృష్ణ మనోహర్ ఐపీఎస్‌గా గతంలో పోలీస్ గెటప్‌లో కనిపించిన సూపర్‌స్టార్ మహేశ్‌బాబు మరోసారి ఆర్మీ మేజర్ పాత్ర పోషిస్తున్నారు. మేజర్ అజయ్‌కృష్ణ పాత్రలో ఉన్న మహేశ్ లుక్స్ అదుర్స్ అనిపిస్తున్నాయి. దేశ రక్షణ కోసం బోర్డర్‌లో పోరాడే ఆర్మీ ఆఫీసర్‌గా హీరో మహేశ్ కనిపించనున్నారు. సరిలేరు నీకెవ్వరు అనే టైటిల్‌తో వస్తున్న ఈ మూవీపై అభిమానుల్లో క్యూరియాసిటీ పెరిగిపోతుంది. అంతగా ఉంది ఈ మూవీ ఇంట్రో టీజర్. దీన్ని చూసిన మహేశ్ ఫ్యాన్స్ పండుగ చేసుకుంటున్నారు. ఈ మూవీలో సీనియర్ నటి విజయశాంతి ఓ ప్రత్యేక పాత్రలో మెరవబోతున్నారు. ఈ చిత్రానికి అనిల్ రావిపూడి దర్శకత్వం వహిస్తుండగా, దిల్ రాజు, ఎకే ఎంటర్‌టైనర్స్‌తో పాటు మహేశ్ బాబు కూడా ఒక నిర్మాతగా వ్యవహరిస్తున్నారు. లేటెస్ట్‌గా 7 మిలియన్ల వ్యూస్‌తో యూట్యూబ్‌లో నాలుగో స్ధానంలో దూసుకుపోతుంది ఈ ఇంట్రో టీజర్ వీడియో.