RaviTeja Khiladi Movie: వెనక్కి త‌గ్గిన మాస్ మ‌హారాజా.. క‌రోనా కార‌ణంగా వాయిదా ప‌డ్డ మ‌రో సినిమా..

RaviTeja Khiladi Movie: క‌రోనా సెకండ్‌తో వేవ్‌తో మ‌ళ్లీ గ‌తేడాది ప‌రిస్థితులు క‌నిపిస్తున్నాయి. అధికారికంగా లాక్‌డౌన్ విధించ‌క‌పోయినప్ప‌టికీ ప్ర‌స్తుతం ప‌రిస్థితులు చూస్తుంటే లాక్‌డౌన్‌లో ఉన్న‌ట్లే క‌నిపిస్తోంది. మొన్న‌టి వ‌ర‌కు ఓపెన్ ఉన్న థియేట‌ర్లు ఇప్పుడు మ‌ళ్లీ మూత‌ప‌డ్డాయి. దీంతో సినిమాల విడుద‌ల‌లు వాయిదా ప‌డుతూ వ‌స్తున్నాయి. ఇప్ప‌టికే ప‌లు సినిమాలు విడుద‌ల తేదీని వాయిదా వేయ‌గా మ‌రికొన్ని సినిమాలు ఓటీటీ బాట ప‌ట్టాయి. ఆచార్య‌, నార‌ప్ప ఇప్ప‌టికే విడుద‌ల‌ను వాయిదా వేస్తూ ప్ర‌క‌టించిన విష‌యం తెలిసిందే. ఇదిలా ఉంటే వాయిదా ప‌డ్డ ఈ సినిమాలో జాబితాలోకి ఇప్పుడు మ‌రో కొత్త సినిమా వ‌చ్చి చేరింది. అదే మాస్ మ‌హారాజ హీరోగా తెర‌కెక్కిన ఖిలాడి. ర‌మేష్ వ‌ర్మ ద‌ర్శ‌క‌త్వంలో తెర‌కెక్కుతోన్న ఈ సినిమాను నిజానికి ఈ నెల 28న విడుద‌ల చేయ‌నున్న‌ట్లు చిత్ర యూనిట్ గ‌తంలో ప్ర‌క‌టించింది. కానీ ప్ర‌స్తుతం క‌రోనా కార‌ణంగా నెల‌కొన్న ప‌రిస్థితుల దృష్ట్యా సినిమా విడుద‌లను వాయిదా వేస్తున్న‌ట్లు చిత్ర యూనిట్ ప్ర‌క‌టించింది. ఈ విష‌యాన్ని బుధ‌వారం అధికారికంగా ప్ర‌క‌టించారు. త్వ‌ర‌లోనే కొత్త విడుద‌ల తేదీని ప్ర‌క‌టిస్తామ‌ని చెప్పారు. క‌రోనా కార‌ణంగా మ‌రెన్ని సినిమాలు వాయిదా ప‌డనున్నాయో చూడాలి.

Also Read: Pooja Hegde: కోవిడ్‏ను జయించిన పూజా హెగ్డే… స్టుపిడ్‌ కరోనాను తన్నేశా అంటూ ట్వీట్..

Nivetha Thomas : ఆక‌ట్టుకునే అందం, అదిరిపోయే అభిన‌యం.. అయినా అవ‌కాశాలు మాత్రం….

రెండో పెళ్లిపై స్పందించిన నటి సురేఖా వాణి.. మనసున్న వాడు కాదు… డబ్బున్న వాడు కావాలి అంటూ..