Rana Naidu: ఇట్స్ అఫీషియల్.. త్వరలో దగ్గుబాటి హీరోల రానా నాయుడు సీజన్ 2..

దగ్గుబాటి హీరోలు వెంకటేష్, రానా కలిసి నటించిన వెబ్ సిరీస్ రానా నాయుడు. ప్రముఖ ఓటీటీ సంస్థ నెట్ ఫ్లిక్స్ ఈ వెబ్ సిరీస్ ను స్ట్రీమింగ్ చేసింది. అయితే ఈ వెబ్ సిరీస్ పై చాలా విమర్శలు వచ్చాయి. ముఖ్యంగా వెంకటేష్ లాంటి హీరో ఇలాంటి వెబ్ సిరీస్ చేయడం పై ఆయన అభిమానులు అసహనం వ్యక్తం చేశారు. హాలీవుడ్ సిరీస్ ‘రే డొనోవన్’కు అధికారిక రీమేక్‌గా ‘రానా నాయుడు’ని రూపొందింది. బోల్డ్ కంటెంట్ తో తెరకెక్కిన ఈ వెబ్ సిరీస్ ఒక వర్గాన్ని బాగానే ఆకట్టుకుందని చెప్పాలి. ముందుగానే ఈ సిరీస్ కుటుంబంతో కలిసి చూసేది కాదు అని క్లారిటీ ఇచ్చారు రానా, వెంకటేష్. తెలుగు, హిందీ భాషల్లో ఈ వెబ్ సిరీస్ స్ట్రీమింగ్ అవుతుండగా.. రీసెంట్ గా తెలుగు వర్షన్ ను నెట్ ఫ్లిక్స్ తొలగించింది. ఇదిలా ఉంటే ఇప్పుడు సీజన్ 2 గురించి అస్కతికర విషయం ఫిలిం సర్కిల్స్ లో చక్కర్లు కొడుతోంది.

కుటుంబ కథ అయినా క్రైమ్, యాక్షన్, మాఫియా, డ్రగ్స్ లాంటి అంశాలను జోడించారు. మొదటి సీజన్ 10 ఎపిసోడ్స్ గా తెరకెక్కించారు. ఒక్కొక్క ఎపిసోడ్ 50 నిముషాలు ఉంది. మొత్తంగా 500 నిమిషాలు ఈ మొదటి సీజన్ రన్ అయ్యింది. ఇక ఇప్పుడు సెకండ్ సీజన్ త్వరలోనే ప్రేక్షకుల ముందుకు రానుంది.

ఈ విషయాన్ని నెట్ ఫ్లిక్స్ స్వయంగా ప్రకటించింది. త్వరలోనే సెకండ్ సీజన్ విడుదలవుతుంది అని తెలిపింది నెట్ ఫ్లిక్స్. మరి మొదటి సీజన్ విమర్శలు ఎదుర్కొన్న నేపథ్యంలో ఇప్పుడు రాబోతున్న సెకండ్ సీజన్ ఎలా ఉంటుందా అని ప్రేక్షకుల్లో ఆసక్తి నెలకొంది.

Don’t worry, the Naidus are coming back to sort out all your kiri kiri ♥?#RanaNaidu season 2 is coming soon! pic.twitter.com/KVJDrIB5wH

— Netflix India (@NetflixIndia) April 19, 2023