Ponniyin Selvan 1st week collection: పొన్నియిన్ సెల్వన్ రికార్డ్.. వారం రోజుల్లోనే ఎంత వసూలు చేసిందో తెలుసా.. 

చాలా కాలం తర్వాత డైరెక్టర్ మణిరత్నం తన మార్క్ చూపించాడు. ఆయన డ్రీమ్ ప్రాజెక్ట్ పొన్నియిన్ సెల్వన్ సెప్టెంబర్ 30న ప్రేక్షకుల ముందుకు వచ్చి బ్లాక్ బస్టర్ హిట్‏గా నిలిచింది. అంతేకాకుండా భారీగా కలెక్షన్స్ రాబట్టి రికార్డ్ క్రియేట్ చేస్తోంది. మొదటి రెండు రోజుల్లోనే రూ. 100 కోట్ల క్లబ్‏లో చేరిన ఈ సినిమా ఇప్పుడు రూ. 350 కోట్ల మార్క్‏కు దూసుకుపోతుంది. ట్రేడ్ రిపోర్ట్స్ ప్రకారం వారం రోజుల్లో ఈ సినిమా బాక్సాఫీస్ వద్ద హిస్టరీ క్రియేట్ చేస్తుంది. ఇంటర్నేషనల్ సర్క్యూట్‏లు ఇప్పటికే పలు రికార్డ్స్ బద్దలుకొట్టింది. అత్యంత ప్రతిష్టాత్మకంగా భారీ తారాగణంతో తెరకెక్కిన ఈ సినిమాను సెప్టెంబర్ 30న తెలుగుతోపాటు, తమిళం, కన్నడ, మలయాళం, హిందీ భాషలలో విడుదల చేశారు. మొదటి రోజే ఈ సినిమాకు అన్ని వర్గాల ప్రేక్షకుల నుంచి పాజిటివ్ రివ్యూ వచ్చింది.

ఇక ట్రేడ్ రిపోర్ట్స్ ప్రకారం.. పొన్నియిన్ సెల్వన్ పార్ట్ 1 దేశవ్యాప్తంగా అన్ని భాషలలో ఏడవ రోజున రూ. 11.50 కోట్లు రాబట్టింది. ఈ ఒక్కరోజే అన్ని భాషలలో కలిపి రూ.195 కోట్లు రాబట్టగా, విదేశాల్లో రూ.119 కోట్లకు పైగా రాబట్టింది. ఈ చిత్రం దేశీయ బాక్సాఫీస్ వద్ద ₹195.5 కోట్లు, ఓవర్సీస్‌లో ₹119 కోట్లు, ప్రపంచవ్యాప్తంగా ₹314.5 కోట్లు వసూలు చేసింది. అదే సమయంలో, ఈ చిత్రం తమిళ బాక్సాఫీస్ వద్ద ఇప్పటివరకు 318 కోట్ల రూపాయలను వసూలు చేసింది. ఈ వీకెండ్‌లో కూడా ఈ సినిమా భారీ వసూళ్లు రాబట్టే అవకాశం ఉంది.

ప్రముఖ రచయిత కల్కి రాసిన పొన్నియిన్ సెల్వన్ నవల ఆధారంగా ఈ చిత్రాన్ని రూపొందించారు మణిరత్నం. మొత్తం ఐదు భాగాలున్న నవలను రెండు పార్టులుగా తెరకెక్కిస్తున్నారు. ఈ సినిమా ద్వారా చోళ రాజుల వంశం… వారి కాలంలో జరిగిన పలు సంఘటనలను వెండితెరపై ఆవిష్కరించారు. పీరియాడికల్ డ్రామాగా వచ్చిన ఈ మూవీలో ఐశ్వర్య రాయ్, చియాన్ విక్రమ్, త్రిష, కార్తీ, జయం రవి ప్రధాన పాత్రలు పోషిస్తున్నారు. ప్రకాష్ రాజ్, జయరామ్, ఐశ్వర్య లక్ష్మీ, శోభితా ధూళిపాళ్ల, ప్రభు కీలకపాత్రలలో కనిపించారు. ఏఆర్ రెహమాన్ సంగీతం అందించారు. పొన్నియిన్ సెల్వన్ సెకండ్ భాగం వచ్చే ఏడాది విడుదల కానుంది.

#PS1 becomes the first Tamil movie to do £ 1 Million in UK ??

— Ramesh Bala (@rameshlaus) October 6, 2022

At the UAE ?? Box office, #PS1 ‘s Opening weekend gross is $1,763,925

— Ramesh Bala (@rameshlaus) October 6, 2022

#PS1 is at No.4 in Australia ?? Top 10 for the current week.. pic.twitter.com/thWqRpqxrM

— Ramesh Bala (@rameshlaus) October 6, 2022

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.