NTR: ఆర్ఆర్ఆర్ కోసం ఎన్టీఆర్ ఎన్ని సినిమాలు వదులుకున్నాడో తెలుసా..
ఎట్టకేలకు ఆర్ఆర్ఆర్ సినిమా ప్రేక్షకుల ముందుకు రాబోతుంది. డైరెక్టర్ రాజమౌళి దర్శకత్వంలో రామ్ చరణ్, ఎన్టీఆర్ ప్రధాన పాత్రలలో
Updated on: Dec 10, 2021 | 1:23 PM
ఎట్టకేలకు ఆర్ఆర్ఆర్ సినిమా ప్రేక్షకుల ముందుకు రాబోతుంది. డైరెక్టర్ రాజమౌళి దర్శకత్వంలో రామ్ చరణ్, ఎన్టీఆర్ ప్రధాన పాత్రలలో నటిస్తోన్న ఈ సినిమా కోసం అభిమానులు ఎదురుచూస్తున్నారు. అత్యంత ప్రతిష్టాత్మకంగా తెరకెక్కుతున్న ఈ సినిమాలో బాలీవుడ్, హాలీవుడ్ ప్రముఖ నటీనటులు కీలక పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన సాంగ్స్, పోస్టర్స్, వీడియోస్ సోషల్ మీడియాలో సంచలనం సృష్టించాయి. ఇక నిన్న విడుదలైన ఆర్ఆర్ఆర్ ట్రైలర్ రికార్డ్స్తో దూసుకుపోతుంది. ప్రస్తుతం చిత్రయూనిట్.. ఈ సినిమా ప్రమోషన్స్ వేగవంతం చేస్తున్నారు.
ఈ క్రమంలో ఆర్ఆర్ఆర్ సినిమా ప్రమోషన్స్లో తారక్ బిజీగా ఉన్నారు. మొదటి సారి బాలీవుడ్ మీడియాను హ్యాండిల్ చేసిన ఎన్టీఆర్.. వారి ప్రశ్నలకు సమాధానాలు చెప్పారు. నిన్న ముంబైలో జరిగిన ఆరఆర్ఆర్ సినిమా ప్రెస్ మీట్లో చిత్రయూనిట్ పాల్గోంది. ఈ క్రమంలో బాలీవుడ్ జర్నలిస్టులతో ఇంటరాక్షన్ సందర్భంగా యంగ్ టైగర్ తనదైన స్టైల్లో ఆన్సర్స్ ఇచ్చారు.
రాజమౌళి తెరకెక్కించిన ఆర్ఆర్ఆర్ సినిమా కోసం దాదాపు మూడు సంవత్సరాలు పట్టింది. ఈ సినిమా కోసం ఎన్ని ఆఫర్స్ వదులుకున్నారని ఓ వ్యక్తి అడిగారు. దీంతో ఫన్నీగా ఆన్సర్ ఇచ్చారు తారక్. తనేప్పుడు ఆర్ఆర్ఆర్ సినిమా పూర్తి చేయడంపై మాత్రమే దృష్టి పెట్టానని.. రాజమౌలితో సినిమా చేస్తున్నానని తెలిసినప్పుడు నాకు మరో ఆఫర్ ఎవరిస్తారంటూ చెప్పుకొచ్చాడు తారక్. ఇక ఈ సినిమా తర్వాత తారక్.. కొరటాల శివ దర్శకత్వంలో ఓ సినిమా చేయనున్నాడు.
Katrina Kaif: రెడ్ అండ్ గోల్డ్ లెహంగాలో మెరిసిన కత్రినా కైఫ్.. లెహంగా ప్రత్యేకతలు తెలిస్తే షాకే..
Pushpa: సెన్సార్ పూర్తిచేసుకున్న పుష్ప.. విడుదలకు సిద్ధమే ఇక.. ప్రీ రిలీజ్ ఈవెంట్ ఎప్పుడంటే..
