Pushpa: సెన్సార్ పూర్తిచేసుకున్న పుష్ప.. విడుదలకు సిద్ధమే ఇక.. ప్రీ రిలీజ్ ఈవెంట్ ఎప్పుడంటే..
ఐకాన్ స్టార్ అల్లు అర్జున్ నటిస్తోన్న పుష్ప సినిమా కోసం అభిమానులు ఎదురుచూస్తున్న సంగతి తెలిసిందే. క్రియేటివ్ డైరెక్టర్ సుకుమార్
Updated on: Dec 10, 2021 | 1:21 PM
ఐకాన్ స్టార్ అల్లు అర్జున్ నటిస్తోన్న పుష్ప సినిమా కోసం అభిమానులు ఎదురుచూస్తున్న సంగతి తెలిసిందే. క్రియేటివ్ డైరెక్టర్ సుకుమార్ తెరకెక్కిస్తున్న ఈ సినిమాపై అంచనాలు భారీగానే ఉన్నాయి. ఇందులో బన్నీ మొదటి సారి ఊరమాస్ లుక్లో కనిపించబోతుండడంతో బన్నీ ఫ్యాన్స్ ఎగ్జయింటింగ్గా వెయిట్ చేస్తున్నారు. పుష్ప నుంచి వచ్చే ప్రతి అప్డేట్ క్షణాల్లో నెట్టింట్లో వైరల్ చేసేస్తున్నారు. ఇటీవల విడుదలైన ఈ మూవీ ట్రైలర్ యూట్యూబ్లో మిలియన్ వ్యూస్లో దూసుకుపోతుంది.
ఎర్ర చందనం స్మగ్లింగ్ నేపథ్యంలో రూపొందుతున్న ఈ మూవీలో బన్నీ.. స్మగ్లర్ పుష్పరాజ్ పాత్రలో నటిస్తుండగా.. హీరోయిన్ రష్మిక మందన్న.. అల్లు అర్జున్ ప్రేయసి.. శ్రీవల్లి పాత్రలో నటిస్తోంది. ఇక ఈ సినిమా నుంచి వచ్చిన దాక్కో దాక్కో మేక, శ్రీవల్లి సాంగ్స్ మంచి రెస్పాన్స్ అందుకున్నాయి. ఇక ఈరోజు ఈ మూవీ నుంచి ఊ అంటావా.. ఉహూ అంటావా అనే స్పెషల్ సాంగ్ రిలీజ్ కాబోతుంది. ఈపాటలో సమంత కనిపించనుంది. పాన్ ఇండియా లెవల్లో ఈ చిత్రాన్ని రెండు భాగాలుగా మైత్రి మూవీ మేకర్స్ బ్యానర్ పై నిర్మిస్తుంది. ఇప్పటికే షూటింగ్ పూర్తిచేసుకున్న ఈ సినిమా ఫస్ట్ పార్ట్ను పుష్ప ది రైజ్ పేరుతో ఈనెల 17న విడుదల చేయనున్నారు.
ప్రస్తుతం ఈ సినిమా ప్రమోషన్స్ మరింత వేగవంతం చేయడానికి సన్నాహాలు చేస్తున్నారు మేకర్స్. తాజాగా పుష్ప సినిమా సెన్సార్ కార్యక్రమాలు పూర్తిచేసుకుంది. ఫార్మాలిటీస్ పూర్తిచేసి సెన్సార్ బోర్డ్ పుష్ప చిత్రానికి U/A సర్టిఫికేట్ ఇచ్చింది. ఈ విషయాన్ని స్వయంగా చిత్రయూనిట్ తమ ట్విట్టర్ ఖాతా ద్వారా తెలియజేసింది. మొత్తానికి బన్నీ సినిమా ప్రేక్షకుల ముందుకు రావడానికి అన్ని అడ్డంకులు తొలిగిపోయినట్టే. ఇక ఈ సినిమా ప్రీరిలీజ్ వేడుకను డిసెంబర్ 12న యూసఫ్ గూడ పోలీస్ గ్రౌండ్స్లో జరుపుతున్నారు. ఈ చిత్రానికి దేవీ శ్రీ ప్రసాద్ సంగీతం అందిస్తున్నారు.
All Set to witness the MASS MADNESS in Theatres from 17th DEC ?#PushpaTheRise#PushpaTheRiseOnDec17 @alluarjun @iamRashmika @aryasukku #FahadhFaasil @Dhananjayaka @Mee_Sunil @anusuyakhasba @ThisIsDSP @resulp @adityamusic @PushpaMovie pic.twitter.com/sClIxgefp0
— Mythri Movie Makers (@MythriOfficial) December 10, 2021
Also Read: Samantha: మరో అవార్డ్ అందుకున్న సమంత.. ఓటీటీలో ది బెస్ట్ ఫీమేల్ యాక్టర్..
